راولپنڈی : سابق وزیر داخلہ شیخ رشید نے مرکز میں تحریک عدم اعتماد لانے کا عندیہ دیتے ہوئے کہا کہا مرکز کو شوبازشریف سے پاک کریں گے۔
تفصیلات کے مطابق سابق وزیر داخلہ شیخ رشید نے اپنے بیان میں کہا کہ قوم سپریم کورٹ کے فیصلے پر خراج تحسین پیش کرتی ہے، مرکزمیں شوبازشریف کےخلاف بھی تحریک عدم اعتمادلائیں گے۔
شیخ رشید کا کہنا تھا کہ مرکزکوشوبازشریف سےپاک کریں گے، پنجاب کےبعدہم مرکز میں بھی فتح حاصل کریں گے۔
گذشتہ روز سپریم کورٹ کے فیصلے کے بعد سابق وزیرداخلہ شیخ رشید نے گفتگو میں کہا تھا کہ سپریم کورٹ کوسلام ہےجبکہ عدلیہ کو فکس بینچ کہاگیا، سپریم کورٹ کےمعززججز نےبہت تحمل کامظاہرہ کیا گیا۔
ان کا کہنا تھا کہ مریم نوازسمیت سب نے عدلیہ کو دھمکیاں اور دباؤ ڈالنے کی کوشش کی، ایک وزیرنےتویہاں تک کہاں کہ عمران خان کو ٹھکانے لگانا چاہیے، یہ ہی لوگ تھےجواداروں کےسربراہان کیخلاف نازیباگفتگوکرتےتھے اور جب وقت پڑاتوان ہی لوگوں نےجوتےبھی پالش کیے۔
شیخ رشید نے مزید کہا کہ ملکی معاشی صورتحال بگڑتی جارہی ہے،گندم کاقحط شروع ہوچکاہے، فیکٹریاں بندہورہی ہیں،ڈالرکی قیمت 242روپے پر پہنچ گئی ہے۔
زرداری کے حوالے سے سابق وزیر داخلہ نے کہا کہ آصف زرداری نےچوہدری برادران کےرشتےمیں دیوارکھڑی کی، اب شریف برادران کے بھی ٹکڑےکرےگا، عرصےسےکہہ رہا تھا ن میں سےش نکلے گی اب دیکھ لینا۔
ان کا مزید کہنا تھا کہ تحریک عدم اعتمادکااگرکسی کونقصان ہواہےتووہ ن لیگ ہے، تحریک عدم اعتمادکی وجہ سےسب سے زیادہ فائدہ پی ٹی آئی کوہوا، جس قبرمیں ہم جارہے تھے اسی قبرمیں یہ لوگ چلے گئے۔
شیخ رشید نے کہا کہ آج کا معاملہ ن لیگ اور پی ٹی آئی کےدرمیان تھا، فضل الرحمان اورپی پی غیرمتعلقہ ہیں ان کاآج کےمعاملےسےتعلق نہیں تھا، فضل الرحمان انتشارچاہتےہیں اسی لیےانہوں نےمنفی بیانات دیئے، ان لوگوں کو دھڑن تختہ ہوگیاہے اور ان کی سیاست مفلوج ہوگئی ہے۔
