The news is by your side.

‘تین رشتے دار لندن میں پاکستانیوں کے مستقبل کا فیصلہ کریں گے’

راولپنڈی : سابق وزیر داخلہ شیخ رشید کا کہنا ہے کہ تین رشتے دار لندن میں پاکستانیوں کے مستقبل کا فیصلہ کریں گے۔

تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ 3 رشتے دار اور عدالتی ضمانتوں پر مفرور 24 کروڑ پاکستانیوں کے مستقبل کا لندن میں فیصلہ کریں گے۔

شیخ رشید نے بتایا کہ خرم دستگیر کہتے ہیں قومی سلامتی کے اداروں کے مستقبل کا فیصلہ بھی لندن میں یہی کریں گے ، کسی مسلم لیگی لیڈر کواس میٹنگ میں بیٹھنےکی اجازت نہیں تھی۔

پی ڈی ایم کے حوالے سابق وزیر نے کہا کہ پی ڈی ایم کا سیاسی جنازہ دھوم سے نکلے گا۔

نواز شریف کی واپسی سے متعلق ان کا کہنا تھا کہ نوازشریف پاکستان آنے سے گھبرائیں گے۔

شیخ رشید نے ایک اور ٹوئٹ میں لکھا کہ 150روپے کلو نایاب آٹا خریدنے والے ریاست اور سیاست سے مایوس ہو گئے ہیں اور جس اتحادی نے عمران خان کی حکومت کو چھرا گھونپا وہ عوامی حمایت سے محروم ہو گئے۔

انھوں نے مزید کہا کہ افغانستان کی کرنسی بھی پاکستان سے بہتر ہوگئی ہے، بلاول کو ملک چھوڑنے کا بہانہ چاہیے۔ 70 غیرآئینی وزراء کے خلاف ہائیکورٹ جارہا ہوں

سابق وزیرداخلہ نے اعلان کیا کہ 70 غیرآئینی وزراء کے خلاف ہائیکورٹ جارہا ہوں۔

Comments

یہ بھی پڑھیں