مانچسٹر : سابق وزیر داخلہ شیخ رشید کا کہنا ہے کہ آج قوم کو 2 بڑی خبریں مل رہی ہیں، استعفیٰ منظورہویا نہ ہو اسمبلی میں نہیں جانا چاہتا۔
تفصیلات کے مطابق سابق وزیر داخلہ شیخ رشید 4 روزہ نجی دورے پر برطانیہ پہنچ گئے، مانچسٹر پر پریس کانفرنس کرتے ہوئے انھوں نے کہا کہ کل پاکستان میں دو بڑی خبریں قوم کو مل رہی ہیں، اوورسیز پاکستانی کمیونٹی کو ووٹ کا حق ملے گا اور شریف خاندان کے نیب کیسز کی سماعت ہوگی۔
شیخ رشید نے بتایا کہ منظور کئے جانے والے استعفوں میں ان کا اور انکے بھتیجے کا استعفٰی بھی شامل ہے، شہباز شریف کو اندازہ نہیں کہ ان کےساتھ کیا ہونےوالا ہے۔
سابق وزیر داخلہ کا کہنا تھا کہ استعفیٰ منظورہویا نہ ہو اسمبلی میں نہیں جانا چاہتا ، عمران خان کے ساتھ کھڑے ہیں ، مارچ ، اپریل میں عام انتخابات کا شیڈول آجائے گا۔
انھوں نے پاکستان میں سیاسی و معاشی بحران کی ذمہ دار پی ڈی ایم ٹھہراتے ہوئے کہا کہ آئی ایم ایف کامعاملہ کھٹائی میں پڑچکاہے ، آئی ایم ایف دیگرتمام بڑے ادارے نئی حکومت سے بات کریں گے۔
