اسلام آباد :سابق وزیرداخلہ شیخ رشید کا کہنا ہے کہ چورڈاکو کرپٹ حکومت کو ختم نہ کردیا تو میرا نام شہبازشریف رکھ دینا، جب تک نئے الیکشن نہیں ہوتے ہم چین نہیں بیٹھیں گے۔
تفصیلات کے مطابق سابق وزیرداخلہ شیخ رشید نے پارلیمنٹ ہائوس کے باہر میڈیا سے گفتگو کرتے ہوئے کہا کہ عمران خان نے فیصلہ کیا ہے سب مشترکہ طورپر استعفیٰ دیں گے ، عمران خان نے میری بات کی تین بار تائید کی ہے، اسمبلی میں بیٹھنے کا مطلب شہبازشریف کو مستحکم کرنا ہے۔
شیخ رشید کا کہنا تھا کہ وزیراعظم کے انتخاب کے بعد استعفےجمع ہوں گے ، بدھ کو پشاور میں عمران خان جلسہ کریں گے ، عمران خان ہر اتوار کو عوام کو کال دیں گے۔
سابق وزیر داخلہ نے کہا کہ 5 بجے ہنگامی پریس کانفرنس کروں گا، عمران خان نے فیصلہ کیا ہے ہم ان مقصودچپڑاسی کو تسلیم نہیں کریں گے۔
ان کا کہنا تھا کہ جب تک نئے الیکشن نہیں ہوتے ہم چین نہیں بیٹھیں گے، یہ بھی رائے ہے کہ مرکز کیساتھ صوبوں سے بھی مستعفی ہونا چاہیے۔
کل رات جیسے عوام عمران خان کیلئےباہر نکلی کوئی تصور نہیں کرسکتا، چورڈاکو کرپٹ حکومت کو ختم نہ کردیا تو میرا نام شہبازشریف رکھ دینا۔
