The news is by your side.

Advertisement

100 دنوں میں 10 ٹرینیں چلانے کا وعدہ پورا کریں گے‘ شیخ رشید

راولپنڈی : وفاقی وزیرریلوے شیخ رشید احمد کا کہنا ہے کہ وزیراعظم کی ہدایت پر کراچی میں لوکل ٹرین چلانے کا فیصلہ کیا ہے۔

تفصیلات کے مطابق وزیراعظم عمران کی ہدایت پر کراچی میں لوکل ٹرین چلائی جائے گی، ٹرین سروس کا افتتاح صدر مملکت ڈاکٹرعارف علوی کریں گے۔

وفاقی وزیر ریلوے کا کہنا ہے کہ مزدوروں کے لیے عمران خان کا کیا گیا وعدہ پورا ہوگیا، یہ 60 دنوں میں چھٹی ٹرین ہے، 100 دنوں میں 10 ٹرینیں چلانے کا وعدہ پورا کریں گے۔

شیخ رشید احمد نے کہا کہ میانوالی، لاہور اور سکھرایکسپریس کے بعد سندھ کا رخ ہے، ٹرین چلانے کا مقصد مزدوروں کے لیے آسانیاں پیدا کرنا ہے۔

انہوں نے کہا کہ لوکل ٹرین دھابیجی، لانڈھی اورکراچی کے درمیان چلے گی، اگلے مرحلے میں کراچی حیدرآباد شٹل ٹرین ہوگی۔

وزیرریلوے شیخ رشید نے موہن جو دڑو ایکسپریس کا افتتاح کردیا

یاد رہے کہ گزشتہ ہفتے سکھر میں وفاقی وزیرریلوے شیخ رشید احمد نے موہن جو دڑو ایکسپریس کا افتتاح کیا تھا۔

وفاقی وزیرریلوے شیخ رشید احمد کا کہنا تھا کہ 100 روزہ ایجنڈے میں ملک میں ٹرینوں کا جال بچھا دوں گا۔

Comments

comments

یہ بھی پڑھیں