وزیر ریلوے نےلاہورسے فیصل آباد تک نان اسٹاپ ٹرین کا افتتاح کردیا -
The news is by your side.

Advertisement

وزیر ریلوے نےلاہورسے فیصل آباد تک نان اسٹاپ ٹرین کا افتتاح کردیا

لاہور: وفاقی وزیرریلوے شیخ رشید احمد کا کہنا ہے کہ بھارت کوشکست دینی ہے تو پاکستان ریلوے کو مضبوط کرنا ہوگا۔

تفصیلات کے مطابق وزیرریلوے شیخ رشید احمد نے لاہورسے فیصل آباد تک نان اسٹاپ ٹرین کا افتتاح کردیا۔

ٹرین 5 اکانومی کلاس کوچز، پارلر، پاور جنریشن اور اے سی ڈبے پرمشتمل ہے، ٹرین لاہور سے صبح 8 بجے جبکہ فیصل آباد سے دن ڈھائی بجے چلا کرے گی۔

وفاقی وزیرریلوے نے ٹرین کے افتتاح کے بعد میڈیا سے گفتگو کرتے ہوئے کہا کہ ریلوے افسران اورعملے کومبارکباد دیتا ہوں، 100 دنوں کے ٹارگٹ میں 10 ٹرینیں چلائیں گے۔

شیخ رشید احمد نے کہا کہ 5 کروڑمسافروں کو7کروڑتک لے جانے کا مشن ہے جبکہ فریٹ ویگنز کو 12 سے 15 تک لے جائیں گے۔

انہوں نے کہا کہ عنقریب وزیراعظم عمران خان کوریلوے پرتفصیلی بریفنگ دی جائے گی اور اہم فیصلے کیے جائیں گے۔

وزیرریلوے نے کہا کہ کسی افسراوروزیرکے آنے جانے سے ریلوے کوفرق نہیں پڑتا، قوم وقت دے، لوگوں کے معیارپرپورا اترنے کی کوشش کریں گے۔

شیخ رشید احمد نے کہا کہ بھارت کوشکست دینی ہے تو پاکستان ریلوے کومضبوط کرنا ہوگا، ٹرینوں کے لیے دھند سے نمٹنے کے آلات بھی منگوائیں گے۔

انہوں نے کہا کہ سی پیک کی مضبوطی کے لیے ٹرینوں کو گوادراورکاشغرتک لے جانا ہے۔

وعدہ کرتا ہوں بھیس بدل کربھی ریل گاڑیوں کوچیک کروں گا‘ شیخ رشید

یاد رہے کہ 13 ستمبر کو وفاقی وزیرریلوے شیخ رشید احمد کا کہنا تھا کہ ریلوے کوایک سال کے اندرخسارے سے نکالیں گے اور ایک مرتبہ پھر ریلوے کواپنے پاؤں پرکھڑا کر کے دکھائیں گے۔

Comments

comments

یہ بھی پڑھیں