راولپنڈی : سابق وزیر داخلہ شیخ رشید کا کہنا ہے کہ آئندہ 10 روز قوم اور ملک کے مقدر کا فیصلہ کریں گے، صحیح فیصلہ صحیح سمت لے جائے گا اور غلط فیصلہ انتشار برپا کرسکتا ہے۔
تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ حکومت نےصرف اپنےکیس ختم کروائےہیں، وقت آنےپرکیسزدوبارہ بحال ہوجائیں گے۔
شیخ رشید کا کہنا تھا کہ مہنگائی 30 فیصد بڑھ گئی ہے، لوگ بجلی اور گیس کے بل نہیں دے سکتے، حکومت نے خود ریلیف اور لوگوں کو تکلیف دی، 77وزراکی حکومت نہ عوام میں جاسکتی ہےنہ مسائل حل کرسکتی ہے ، 3 بجے روات جاؤں گا۔
ایک تعیناتی سب پہ بھاری ہے،حکومت نے صرف اپنے کیس ختم کرواۓ ہیں جو وقت آنے پر دوبارہ بحال ہوجائیں گے،مہنگائی٣٠فیصد بڑھ گئی ہے،لوگ بجلی اور گیس کے بل دے نہی سکتے،خود ریلیف اورلوگوں کو تکلیف دی،٧ماہ کی٧٧وزراءکی حکومت نہ عوام میں جاسکتی ہے نہ مسائل حل کرسکتی ہے،٣بجے روات جاؤں گا۔
— Sheikh Rashid Ahmed (@ShkhRasheed) November 19, 2022
سابق وزیر داخلہ نے ایک اور ٹوئٹ میں لکھا کہ آئندہ10روزقوم اورملک کےمقدرکافیصلہ کریں گے، صحیح فیصلہ صحیح سمت لے جائے گا اور غلط فیصلہ انتشار برپا کر سکتا ہے۔
ان کا مزید کہنا تھا کہ تباہ حال معیشت مزیدسنگین ہوسکتی ہے، ہرحکومت شوگرمل مالکان مافیاکےزیراثرہوتی ہے، زیاده شوگرملیں سیاست دانوں کی ہیں جو وزراتوں میں بھی ہوتے ہیں۔
آئندہ10روز قوم اور ملک کے مقدر کا فیصلہ کریں گےصحیح فیصلہ صحیح سمت لےجائےگاغلط فیصلہ انتشاربرپاکرسکتاہےتباہ حال معشیت مزیدسنگین ہوسکتی ہے ہرحکومت شوگر مل مالکان مافیا کے زیر اثر ہوتی ہےزیاده شوگر ملیں سیاست دانوں کی ہیں جو وزراتوں میں بھی ہوتے ہیں جس کی سزاعوام اورکسان بھگتےہیں
— Sheikh Rashid Ahmed (@ShkhRasheed) November 19, 2022
