مسلم لیگ عوامی کے سربراہ شیخ رشید احمد نے کہا ہے کہ عوام میں عمران خان کے فیصلوں کو پذیرائی جب کہ پی ڈی ایم کو رسوائی مل رہی ہے۔
اے آر وائی نیوز کے مطابق عوامی مسلم لیگ کے سربراہ نے ایک بار پھر پی ڈی ایم پر لفظی گولہ باری کی ہے اور سماجی رابطوں کی ویب سائٹ ٹوئٹر پر اظہار خیال کیا ہے۔
سینیئر سیاستدان نے اپنے ٹوئٹ میں کہا ہے کہ تمام نا اہل ایک اہل کو نااہل کرانے میں لگے ہوئے ہیں، لیکن منفی عزائم والے ناکام ہوں گے کیونکہ عوام میں عمران خان کے فیصلوں کو پذیرائی جب کہ پی ڈی ایم کو رسوائی مل رہی ہے۔
سابق وفاقی وزیر کا کہنا تھا کہ بلاول جو فٹیف اجلاس سے بائیکاٹ کر گیا تھا اب کریڈٹ لے رہا ہے اور کہتا ہے کہ اس نے پاکستان کو فٹیف سے نکالا۔
ان کا کہنا تھا کہ عدالت میں کیس گورنر کے نوٹیفکیشن کا تھا، اسمبلی توڑنے یا جوڑنے کا نہیں۔
تمام نااہل ایک اہل کو نااہل کرانےمیں لگےہوئے ہیں۔جسکےعزائم منفی ہیں وہ ناکام ہونگے۔عمران کےفیصلوں کو عوام میں پذیرائی ملتی ہے اورPDM کو رسوائی۔بلاولFATFکے اجلاس سے بائیکاٹ کرگئے تھے اور وہ کہتا ہےFATFسے میں نےنکالا۔عدالت میں کیس گورنر کےنوٹیفکیشن کا تھا،اسمبلی توڑنےاورجوڑنےکانہیں
— Sheikh Rashid Ahmed (@ShkhRasheed) December 25, 2022
شیخ رشید نے اپنے ایک اور ٹویٹ میں کہا کہ جب عوامی رائے عامہ کا احترام نہیں تو پھر وہ جمہوریت نہیں آمریت ہوتی ہے۔ قانون میں خود کشی کی ناکام کوشش کی سزا معاف کر دی گئی ہے۔
سابق وفاقی وزیر نے کہا کہ آئین موم کی ناک بن گیا ہے اور ہاتھ جوڑ کر کھڑا ہے۔ تنخواہ دینے کے پیسے نہیں لیکن وزرا کی تعداد 77 ہے جن میں 22 بے محکمہ ہیں۔
سینیئر سیاستدان نے کہا کہ ملک میں 50 کروڑ روپے کی کرپشن حلال اور چھوٹی چوری حرام، ممبرز کی منڈی لگی ہے۔
جب عوامی رائےعامہ کااحترام نہیں ہوتاتوجمہوریت نہیں آمریت ہوتی ہےقانون میں خودکشی کی ناکام کوشش کی سزامعاف کردی گئی ہے۔آئین موم کی ناک بن گیاہےاورہاتھ جوڑکرکھڑا ہےتنخواہ دینےکےپیسے نہیں،وزراء کی تعداد77ہے22بےمحکمہ ہیں50 کروڑتک کرپشن حلال اورچھوٹی چوری حرام ہے۔ممبروں کی منڈی لگی ہے
— Sheikh Rashid Ahmed (@ShkhRasheed) December 25, 2022