پاکستان مسلم لیگ عوامی کے سربراہ شیخ رشید نے کہا ہے کہ آج ایک شخص کی سیاست اور پارٹی کو دفن کیا جا رہا ہے یا خمینی بنا رہے ہیں یہ فیصلہ وقت کرے گا۔
اے آر وائی نیوز کے مطابق پاکستان مسلم لیگ عوامی کے سربراہ شیخ رشید احمد جو ملکی سیاسی صورتحال پر سماجی رابطوں کی ویب سائٹ ٹوئٹر پر سرگرم ہیں ایک بار پھر موجودہ ملکی صورتحال پر تبصرہ کرتے ہوئے کئی اندیشوں کا اظہار کیا ہے۔
شیخ رشید نے اپنے ٹویٹ میں لکھا کہ قوم 9 مئی کے واقعے کی مذمت کر رہی ہے اور شہدا کے شانہ بشانہ کھڑی ہے، 13 پارٹیاں 9 مئی کے واقعے سے سیاست نکالنے کی ناکام کوشیش کر رہی ہیں۔
سینیئر سیاستدان نے کہا کہ قوم حوصلہ ہار گئی تو سیاست سیاسی قبرستان بن جائے گا، آپ ایک شخص کی سیاست اور پارٹی دفن کر رہے یا خمینی بنا رہے ہیں یہ فیصلہ آنے والا وقت کرے گا۔
یہ سارےمیثاق جمہوریت کی پیداوارمیثاق آمریت کی گودمیں بیٹھے ہیں سرکاری چھتری تلےجوبھی پارٹی بنی ہےیاعنقریب بنے گی وہ کبھی کامیاب نہیں ہوتی گروتھ صفرہےڈیفالٹ ڈار کادروازہ کھٹکٹارہاہے غربت مہنگائی بیرروزگاری اور کاروباری تباہی سے معاشی سیاسی اقتصادی صف ماتم بچھی ہے
— Sheikh Rashid Ahmed (@ShkhRasheed) May 26, 2023
سابق وفاقی وزیر نے اپنے ایک اور ٹویٹ میں کہا کہ یہ سارے میثاق جمہوریت کی پیداوار آج میثاق آمریت کی گود میں بیٹھے ہیں۔ سرکاری چھتری تلے جو بھی پارٹی بنی ہے یا عن قریب بنے گی وہ کامیاب نہیں ہوتی۔ گروتھ صفر اور ڈیفالٹ ڈار کا دروازہ کھٹکٹا رہا ہے۔ غربت، مہنگائی، بیروزگاری اور کاروباری تباہی سے معاشی سیاسی اور اقتصادی صف ماتم بچھی ہے۔
انہوں نے یہ بھی کہا کہ پاکستان کی کرنسی سری لنکا، گھانا اور افغانستان سے بھی نیچے چلی گئی۔ اس وقت قوم کو مایوسی کے کنوئیں سے نکالا جائے اور امید کی شمع روشن کی جائے۔
پاکستان کی کرنسی سری لنکا گھانااورافغنستان سےبھی نیچےچلی گئی قوم کومایوسی کےکنوئیں سےنکالاجائےاورامید کی شمع روشن کی جائےتمام قیادت کی عمر70سال سےزیادہ ہےاورجیلوں میں جانےوالے کی عمر20سال ہے بیماری کےبہانےملک سےبھاگتے ہیں اوربیماری کےبہانےہی تین تین بارپارٹی چھوڑتے ہیں
— Sheikh Rashid Ahmed (@ShkhRasheed) May 26, 2023
سینیئر سیاستدان نے کہا کہ تمام قیادت کی عمر 70 سال سے زیادہ ہے اور جیلوں میں جانے والے کی عمر20 سال ہے، بیماری کے بہانے ملک سے بھاگتے اور بیماری کے بہانے ہی 3،3 بار پارٹی چھوڑتے ہیں۔
شیخ رشید نے ایک اور ٹویٹ میں کہا کہ 50 سال سے اکیلی سیٹ پر پاکستان کی سیاست میں دربان حسین ہوں، حق اور سچ کے ساتھ کھڑا ہوں نا امیدی کفر ہے ہارتا وہ ہے جو ہار مانتا ہے۔
میں 50 سال سے اکیلی سیٹ پر پاکستان کی سیاست میں دربان حسین ہوں حق اور سچ کے ساتھ کھڑا ہوں ناامیدی کفر ہے ہارتا وہ ہے جو ہار مانتا ہے عدلیہ نے فیصلوں میں دیر کی تو وقت کسی کا انتظار نہیں کرتا ہر طرف مایوسی چھائی ہوئی ہے موسم بہار آکر رہے گا جیسے تیسے بھی الیکشن ہوئے ہو کر رہیں گے
— Sheikh Rashid Ahmed (@ShkhRasheed) May 26, 2023
ان کا کہنا تھا کہ ہر طرف مایوسی ہے عدلیہ نے فیصلوں میں دیر کی تو وقت انتظار نہیں کرتا، موسم بہار آکر رہے گا اور جیسے تیسے بھی الیکشن ہوئے ہوکر رہیں گے۔
