عوامی مسلم لیگ کے سربراہ شیخ رشید نے کہا کہ اے آر وائی پر پابندی کیوں لگائی گئی کہ وہ سچ بول رہا ہے۔
عوامی مسلم لیگ کے سربراہ اور سابق وفاقی وزیر شیخ رشید نے باخبر سویرا کے پروگرام میں گفتگو کرتے ہوئے کہا کہ اگر آپ کوئی چینل بند کرینگے تو نوجوانوں کی جیب میں موبائل فون ہے۔
انہوں نے کہا کہ اے آر وائی نیوز پر اس لیے پابندی لگائی گئی ہے آپ کو کوئی بے نقاب نہ کرے، اس پر پابندی اس لیے لگائی گئی ہے کیوں کہ اے آر وائی سچ بول رہا ہے۔
شیخ رشید کا کہنا تھا کہ عمران خان آج الیکشن مہم پر نکل رہے ہیں، عمران خان ریلی میں شریک ہوں گے، میں خود بھی اس ریلی میں شریک ہونگا۔
سابق وفاقی وزیر کا کہنا تھا کہ غریب آدمی کیلئے زندگی مشکل بنادی گئی ہے، پاپڑ والے و دیگر سب لوگ سامنے آئیں گے، توشہ خانہ کی عمران خان کے سامنےکوئی حیثیت نہیں۔
عوامی مسلم لیگ کے سربراہ نے مزید کہا کہ اگر وہ سمجھ رہے ہیں کہ وہ معزز بن گئے ہیں تو غلط ہے، سیاست سے ایک شخص کو نکال دیا جائے تو سیاست ختم ہے۔
