پاکستان مسلم لیگ عوامی کے سربراہ شیخ رشید احمد نے کہا ہے کہ ن لیگ اور پیپلز پارٹی کی قیادت اپنے کیس 30 اپریل تک ختم کرا لیں ورنہ جیل جانا پڑے گا۔
اے آر وائی نیوز کے مطابق پاکستان مسلم لیگ عوامی کے سربراہ اور سابق وفاقی وزیر داخلہ شیخ رشید احمد نے سماجی رابطوں کی ویب سائٹ پر ن لیگ اور پیپلز پارٹی کی قیادت کو اہم مشورہ دیتے ہوئے کہا ہے کہ ن لیگ اور پیپلز پارٹی کی قیادت اپنے کیس 30 اپریل تک ختم کرا لیں ورنہ جیل جانا پڑے گا۔
سینیئر سیاستدان نے اپنے ٹویٹ میں انکشاف کیا کہ 90 دن میں نگران حکومت ختم ہو جائے گی۔ نواز شریف کا انتظار کرتے کرتے لوگ تھک جائیں گے۔ 13 کے ٹولے کے پاس صوبوں میں کاغذات جمع کرانے کے ممبر بھی نہیں ہیں۔ کل فائل زمین کھا گئی یا آسمان نگل گیا یہ وقت ہی بتائے گا۔
اپنے ایک اور ٹویٹ میں انہوں نے کہا کہ سعودی عرب اور چین نے جھنڈی کرا دی ہے۔ دونوں ممالک پاکستان سے اکنامک ریفامز کی ڈیمانڈ کر رہے ہیں۔ اسحاق ڈار 3 ماہ تک مذکرات مکمل نہ کرا سکے۔ یہ ڈالر 200 روپے کا کرانے آئے تھے اور 300 کا کرا دیا۔
ن لیگ اور pppکی قیادت اپنےکرپشن کےکیس30اپریل تک ختم کرالیں ورنہ اصلی اورحقیقی جیل جاناپڑےگا90دن میں نگران حکومت ختم ہوجائےگی13کےٹولےکےپاس صوبوں میں کاغذات جمع کرانےکےممبربھی نہیں ہیں نوازشریف کاانتظارکرتےکرتےلوگ تھک جائیں گے کل فائل زمین کھا گئی یاآسمان نگل گیایہ وقت ہی بتائےگا
— Sheikh Rashid Ahmed (@ShkhRasheed) March 19, 2023
شیخ رشید نے یہ بھی کہا کہ مئی تک ٹھنڈی چھاؤں میں بیٹھیں۔ اجلاس مارچ کے بجائے اپریل تک موخر ہو گیا ہے۔ انفرادی ووٹنگ امریکا کے پاس ہے جس کا پاکستان پر شدید دباؤہے۔
