کراچی: وفاقی وزیر داخلہ شیخ رشید کا کہنا ہے کہ پاک افواج میں شمولیت کسی بھی جوان اور اسکےخاندان کیلئے فخر کی بات ہے۔
تفصیلات کے مطابق وفاقی وزیر داخلہ شیخ رشید نے کراچی میں سندھ رینجرز کی28ویں پاسنگ آؤٹ میں بطور مہمان خصوصی شرکت کی ، جہاں انہوں نے پریڈ کا معائنہ کیا اور شرکا ومہمانوں سے خطاب کیا۔
تقریب سے خطاب کرتے ہوئے وفاقی وزیر داخلہ شیخ رشید نے کہا کہ سندھ رینجرز کا کراچی میں امن اور ترقی میں کرداربہت نمایاں ہے، یہی نہیں کراچی میں کھیلوں خصوصی کرکٹ کی بحالی میں سندھ رینجرز کا کردار قابل ستائش ہے۔
— Sheikh Rashid Ahmed (@ShkhRasheed) April 9, 2021
وفاقی وزیر داخلہ نے کہا کہ پاک افواج پاکستان کی سلامتی کی ضامن ہے، پاک افواج میں شمولیت کسی بھی جوان اور اسکےخاندان کیلئےفخر کی بات ہے، امید ہے کہ کامیاب رینجرز کےجوان قومی جذبےسے اپنی خدمات انجام دینگے۔
اپنے خطاب میں شیخ رشید نے پاسنگ آؤٹ پریڈ کے شرکاکو کامیابی پر مبارکباد دی اور دوران تربیت نمایاں کارکردگی دکھانے والوں میں انعامات تقسیم کئے۔
پاکستان رینجرز سندھ کی 28 ویں پاسنگ آؤٹ میں بطور مہمان خصوصی شرکت
پاکستان رینجرز سندھ کی خدمات کو خراج تحسین
پاسنگ آؤٹ پریڈ کے شرکاء کو کامیابی پر مبارکباد
پاکستان رینجرز سندھ کا کراچی میں امن اور ترقی میں کردار بہت نمایاں ہے۔ pic.twitter.com/LldX4WCEu2— Sheikh Rashid Ahmed (@ShkhRasheed) April 9, 2021
