The news is by your side.

Advertisement

پاکستان میں افغان مہاجرین کی آمد ، شیخ رشید نے بھارتی میڈیا کی خبروں کی تردید کردی

اسلام آباد : وفاقی وزیر داخلہ شیخ رشید کا کہنا ہے کہ پاکستان میں کوئی افغان مہاجرنہیں آرہا،بھارتی میڈیا کی خبروں کی تردیدکرتاہوں، افغانستان سے تجارت، نقل وحرکت بالکل پرسکون ہے۔

تفصیلات کے مطابق وفاقی وزیر داخلہ شیخ رشید نے پریس کانفرنس کرتے ہوئے کہا کہ دنیا میں پاکستان بہت اہم ملک ہے،اس کی بہت اہم ذمہ داریاں ہیں ، پاکستان کو قربانی کا بکرا بنانے کی کوشش ناکام ہوئی ، وزارت داخلہ 14اگست سےباقاعدہ کام کررہی ہے، عزاداران سےاپیل ہےکہ ایس اوپیزکاخیال رکھیں۔

شیخ رشید کا کہنا تھا کہ سیکیورٹی کیلئےآرمڈ فورسزاورتمام ادارےالرٹ ہیں، ہائبرڈوار کرنےوالوں کومنہ کی کھانی پڑی ، پاکستان نےامریکااورطالبان کوایک ٹیبل پرلانےکیلئےکلیدی کرداراداکیا۔

وفاقی وزیر داخلہ نے کہا کہ ہرکرپٹ آدمی کی سوچ ہوتی ہے کہ ملک سے بھاگ جائے، کرپٹ آدمی نےپہلےلوٹی ہوئی دولت پہنچائی ہوتی ہےیاساتھ لیکرجاتاہے، عمران خان نےاشرف غنی کوسمجھانےکی پوری کوشش کی۔

ان کا کہنا تھا کہ پاکستان کےامن کےکردارکو سنہری حروفوں میں لکھاجائےگا، عمران خان کومبارکباددیتاہوں کہ آج ہمارے3سال مکمل ہوگئے، وزیراعظم نےہدایت کی کہ ویزاپروسس ایک دن میں کیا جائے، وزارت داخلہ کے امیگریشن ،ایف آئی اےعملےکوہدایت جاری کردیں۔

شیخ رشید نے بتایا کہ ہم نےسب کوسہولت دی ہےکہ آن آرائیول بھی ویزامل سکتاہے، آج صبح طورخم بارڈرسے3بسیں سےکلیئرکی ہیں، 14اگست سے اب تک 613پاکستانیوں کو واپس لایاگیا ہے، غیرملکی سفارتکار،عملےسمیت900لوگوں کوپاکستان لائےہیں۔

وفاقی وزیر نے کہا کہ کل ذبیح صاحب نےجوپریس کانفرنس کی یہی ہماری سلامتی کمیٹی کاایجنڈاہے، مستحکم اورپرامن افغانستان پاکستان کیلئے بھی اتنا ہی ضروری ہے ، ہم کسی کی زمین پر پاکستان سے مداخلت نہیں ہونے دیں گے ، نہ کسی کوپاکستان میں مداخلت کرنےدیں گے، امیدہے کہ افغانستان کےحالات بہتر ہوں گے۔

ان کا کہنا تھا کہ پاکستان میں کوئی افغان مہاجرنہیں آرہا،بھارتی میڈیا کی خبروں کی تردیدکرتاہوں، طورخم اورچمن بارڈربالکل پرسکون ہے، ہمارےیہاں 416ٹرکوں کی انٹریاں ہوئی ہیں، افغانستان سے تجارت، نقل وحرکت بالکل پرسکون ہے۔

شیخ رشید نے مزید کہا کہ بھارتی میڈیاپاکستانی بارڈرکےحوالےسے100فیصدغلط بیانی کررہاہے، کوئی افغان مہاجرہماری طرف نہیں آرہانہ ہی ہمارے لئےکوئی مسئلہ بنا، طالبان حکومت کوتسلیم کرنےکافیصلہ عمران خان،وزارت خارجہ کا ہوگا۔

وزیر داخلہ کا کہنا تھا کہ چین ،ترکی،روس ،ایران یہ تمام سوالات فارن آفس کےہیں، اس وقت میرے پاس70صحافی ہیں ان کوآج ہم لےلیں گے، جتنے بھی ہائی آفیشلز،ڈپلومیٹ ہیں انہیں ٹرانزٹ ویزا دے رہےہیں، یہ لوگ ایئرپورٹ سے ہی اپنےممالک چلے جائیں گے، بارڈر کے حالات اےون ہیں ہماری عظیم فوج وہاں موجودہے۔

انھوں نے کہا کہ افغانستان میں امن کیلئےپاکستان عالمی برادری اور دنیا کیساتھ کھڑاہے، پاکستان کے تمام بارڈرز محفوظ ہیں، جہاں سےموبائل سروس بندکرنےکی سفارش آرہی ہے وہی بند کررہے ہیں۔

شیخ رشید کا کہنا تھا کہ وزیراعظم کی ہدایت پر24گھنٹےتمام ڈیپارٹمنٹ جاگ رہےہیں، 15جولائی سےافغانستان جانے والوں کی تعدادبھی6ہزارہے، اللہ عمران خان کومزید عزت دینے جارہا ہے، عمران خان نے گزشتہ 6دن میں4سربراہان سے بات کی ہے۔

Comments

یہ بھی پڑھیں