اسلام آباد : عوامی مسلم لیگ کے سربراہ شیخ رشید کا کہنا ہے شریف خاندان چاہتا ہے قیادت ان کے پاس ہی رہے، لگ رہا ہے شریف خاندان کےپاس پارٹی قیادت نہیں رہےگی، حدیبیہ پیپرزملزکا کیس کھل گیا تو لوگ پانامالیکس کو بھول جائیں گے۔

تفصیلات کے مطابق عوامی مسلم لیگ کے سربراہ شیخ رشید نے اے آر وائی کی خصوصی نشریات میں گفتگو کرتے ہوئے کہا کہ
جتنے لوگ مندرہ میں ہیں اس سے زیادہ مویشی منڈی میں ہوتےہیں، نوازشریف کوعلم ہے جلوس میں کس طرح کے لوگ ہیں، ایک عام خطاب کیلئے لوگوں کو12سے زائد گھنٹے تک سڑکوں پر رکھا گیا، نوازشریف اس قسم کاخطاب پنجاب ہاؤس سے بھی کرسکتے تھے۔

ریلی جتنےلوگ تولال حویلی کے باہر جمع کرسکتا ہوں

شیخ رشید کا کہنا تھا کہ کل نوازشریف کی ریلی دیکھ کرہمیں حوصلہ ملاہے، لوگ ان کےساتھ نہیں ہمارےساتھ ہیں، ریلی جتنےلوگ تولال حویلی کے باہر جمع کرسکتا ہوں، ریلی میں شامل گاڑیوں جیسا رش تو لال حویلی کے سامنے ہوتا ہے، شریف خاندان کے پاس کلثوم بیگم کے علاوہ کوئی امیدوارنہیں، شریف خاندان باہر سے کسی کو امیدوار کھڑاکرینگے تو ہارجائیں گے۔

انھوں نے کہا کہ شریف برادران کی دکان انشااللہ4 دن میں بند ہوجائے گی، نیب کیسز لگنے دیں پھریہ منہ چھپاتے رہیں گے، نوازشریف کے معافی نامے پر یقین نہیں تھا جب دیکھا تو بہت برا لگا، نوازشریف نہیں چاہتے حدیبیہ پیپرملز کا کیس کھولاجائے، نوازشریف نظرثانی پر جائیں گے تو شیخ رشید بھی عدالت جائے گا، آئینی حق میں بھی رکھتا ہوں،نظرثانی پرگئے تو میں بھی جاؤں گا۔

نوازشریف نہیں چاہتے حدیبیہ پیپرملز کا کیس کھولاجائے

سربراہ عوامی مسلم لیگ نے کہا کہ ساراگاؤں اجڑ جائے شہبازشریف کو کوئی فرق نہیں پڑتا،یہ لوگ15سال ایل این جی کامال کھاناچاہتےتھے۔ ریلی میں لوگوں سے زیادہ پولیس کی گاڑیاں ہیں، پاکستان کی تاریخ میں جتنےآرمی چیف آئے نوازشریف کے تعلقات کشیدہ رہے، چوہدری نثارکی اپنی پوزیشن ہے، پھر وہ ریلی میں نہیں آئے، فوج نے کھل کرکہا ہے آئین اورقانون سے بالاترکوئی نہیں ہے، یہ آئین کی ترمیم بھی کرلیں جوفیصلہ ہونا تھا وہ ہوگیا ہے۔

ان کا کہنا تھا کہ کیمرےکی طاقت بہت بڑی طاقت ہے، ٹی وی پر نظرآنے کیلئے لوگ ایک دوسرے کو دھکے دے رہے ہوتےہیں، یہ 10ہزارگاڑیاں بھی لاسکتےہیں،رینٹ اے کار والوں کا کاروبار چل پڑا ہے، پیچھے کھڑے لوگ فون کرکے پوچھتے ہیں ہم نظرآرہے ہیں یا نہیں۔

شاہدخاقان عباسی کےخلاف بھی الیکشن کمیشن جارہاہوں

شیخ رشید نے کہا کہ چار مہینےمیں سیاست میں نیارخ آسکتا ہے، 13اگست کے جلسے میں مصروف ہوں وقت ہی نہیں مل رہا، شاہدخاقان عباسی کےخلاف بھی الیکشن کمیشن جارہاہوں، شاہد خاقان کیخلاف درخواست کیلئے پی ٹی آئی سے مشاورت کرلی ہے، الیکشن کمیشن میں شاہدخاقان کیخلاف درخواست دوں گا، ان کاپوسٹ مارٹم ہوگا اور ان کی اصلیت سامنے آئے گی۔

انکا مزید کہنا تھا کہ اےآر وائی نیوز کو سلام پیش کرتاہوں یہ آپ لوگوں کو خرید نہ سکے، کل اے آر وائی نیوز کے رپورٹرز کو یرغمال بنایا گیا اور تشدد کیا گیا۔

شیخ رشید کا کہنا تھا کہ انجینئر امیر مقام سے پرویزمشرف بھی بہت متاثر تھے، مشرف متاثر تھے امیرمقام ریلیوں کے بڑے لوگ لاتے تھے، مشرف کابینہ کے بھی7سے 8لوگ موجودہ کابینہ میں موجود ہیں۔

 تیرہ اگست کوراولپنڈی میں عوام کا طوفان اور سمندرہوگا

عوامی مسلم لیگ کے سربراہ نے کہا کہ 13 اگست کوراولپنڈی میں عوام کا طوفان اور سمندرہوگا، عمران خان ہماری دعوت پر13اگست کوراولپنڈی آئیں گے، خواہش ہے مستقبل میں طاہرالقادری اور ق لیگ کو بھی حصہ ملے، آئندہ انتخابات میں پی ٹی آئی اورمسلم لیگ ن میں مقابلہ ہوگا، طاہرالقادری اورق لیگ کوساتھ ملانے کیلئےکامیاب ہوجاؤں گا۔

انھوں نے کہا کہ 30 دسمبرتک فیصلہ ہوجائیگا کہ اونٹ کس کروٹ بیٹھےگا، سیاسی پرندےبہت چالاک ہوتے ہیں وقت اور جگہ دیکھتےہیں، ن لیگ میں ایسے بہت سےلوگ ہیں، جنہوں نے حلف نہیں اٹھایا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔