خانہ کعبہ کے کلید بردار (چابی کے محافظ) ڈاکٹر شیخ صالح الشیبی فانی دنیا کو خیر باد کہہ گئے۔
سعودی خبر رساں ادارے کی رپورٹ کے مطابق سماجی رابطے کی ویب سائٹ ایکس پر ’حرمین‘ کی جانب سے خانہ کعبہ کے کلید بردار ڈاکٹر شیخ صالح الشیبی کے انتقال کی تصدیق کی گئی ہے۔
سماجی رابطے کی ویب سائٹ ایکس پر ’حرمین‘ کا اپنے پیغام میں کہنا تھا کہ خانہ کعبہ کے 109ویں کلید بردار اور صحابی عثمان بن طلحہ رضی اللہ عنہ کے جانشین دنیا سے رخصت ہوگئے ہیں۔
- Advertisement -
رپورٹس کے مطابق ڈاکٹرشیخ صالح الشیبی کی نمازِ جنازہ نمازِ فجر کے بعد مسجد الحرام میں ادا کی گئی اور ان کی تدفین المولا قبرستان میں کی گئی۔
مسجد الحرام اور مسجد نبوی ؐ میں خطبہ جمعہ اور نماز سے متعلق بڑا فیصلہ
واضح رہے کہ رسول اللہ صلی اللہ علیہ وآلہ وسلم کی وصیت کے مطابق خانہ کعبہ کا اگلا کلید بردار بھی الشیبی خاندان سے ہوگا اور رہے گا۔
