site
stats
پاکستان

شیخو پورہ: طلبا کی فیس ہڑپ کر کے فرار ہونے والا پرنسپل گرفتار

لاہور: شیخو پورہ میں میٹرک کے طلبا کی داخلہ فیس ہڑپ کر کے فرار ہونے والا نجی اسکول کا پرنسپل گرفتار ہوگیا۔ اے آر وائی نیوز کی خبر پر ایکشن لیتے ہوئے ڈپٹی کمشنر نے رپورٹ طلب کرلی۔

تفصیلات کے مطابق شیخو پورہ میں نجی اسکول کے پرنسپل نے میٹرک کے چالیس طلبا سے ایڈمیشن فیس وصول کی اور فرار ہوگیا۔ طالب علم میٹرک کا پرچہ دینے سے محروم رہ گئے۔ سال ضائع ہونے پر مشتعل طلبا نے اسکول میں توڑ پھوڑ کی۔

مشتعل طلبا کا ساتھ دینے میں طالبات بھی پیچھے نہ رہیں اور اپنے جوہر دکھائے۔ طلبا نے بینر اٹھا کر احتجاج بھی کیا۔ بپھرے طلبا نے وزیر اعلیٰ سے سال ضائع ہونے سے بچانے کی اپیل بھی کی۔

دوسری جانب ڈپٹی کمشنر نے بھی اے آر وائی نیوز کی خبر پر ایکشن لیتے ہوئے چیف ایگزیکٹو ایجوکیشن سے 24 گھنٹوں میں رپورٹ طلب کرلی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top