شیخورہ میں بجلی کا بل ٹھیک کروانے آنے والی خاتون کو سیکیورٹی گارڈ نے گھسیٹ کر باہر نکال دیا، سیکیورٹی گارڈ کو گرفتار کرکے مقدمہ درج کرلیا گیا۔
واپڈا کمپلیکس شیخوپورہ میں بزرگ خاتون سے انسانیت سوز واقعہ پیش آیا ہے جہاں بجلی کا بل ٹھیک کروانے آئی خاتون سے سیکیورٹی گارڈ نے ناروا سلوک کیا۔
ویڈیو میں دیکھا جاسکتا ہے کہ بزرگ خاتون سیکیورٹی گارڈ کی منت سماجت کرتی رہی اور سیکیورٹی گارڈ نے بزرگ خاتون کو گھسیٹ کر گیٹ سے باہر نکال دیا۔
بزرگ خاتون سے سیکیورٹی گارڈ کی بدسلوکی کے واقعے پر ایس سی او واپڈا نے نوٹس لیا اور انکوائری کا حکم دے دیا ہے۔
ایس سی او واپڈا کا کہنا ہے کہ کسی کے ساتھ ناروا سلوک قبول نہیں ہے۔ ڈی پی او کے نوٹس پر سیکیورٹی گارڈ کو گرفتار کرکے مقدمہ درج کرلیا گیا ہے۔
واقعے کی ویڈیو سوشل میڈیا پر بھی زیر گردش ہے اور لوگوں کی جانب سے غم و غصے کا اظہار کیا جارہا ہے۔
