The news is by your side.

Advertisement

پاکستان نے بھارت سے کشیدگی میں کمی کے حوالے سے ذمہ داری کا مظاہرہ کیا: شیلا جیکسن

واشنگٹن: امریکی کانگریس میں پاکستان کاکس کی چیئر پرسن شیلا جیکسن کا کہنا ہے کہ پاکستان نے پاک بھارت کشیدگی میں کمی کے حوالے سے ذمہ داری کا مظاہرہ کیا۔

تفصیلات کے مطابق پاکستان کی جانب سے جنگی جنون میں مبتلا بھارت کو مذاکرات کی دعوت اور جذبہ خیرسگالی کے تحت بھارتی پائلٹ کی رہائی پر دنیا بھر میں ملکی اقدامات کو سراہا گیا۔

پاکستانی کاکس کی چئیرپرسن کا کہنا ہے کہ پاکستانی حکومت نے حالیہ کشیدگی کے خاتمے کے لیے اپنی پوری ذمہ داری نبھائی۔

شیلا جیکسن کا اے آر وائی نیوز سے خصوصی گفتگو کرتے ہوئے کہنا تھا کہ امریکا پاکستان کو خوش حال اور مستحکم ملک دیکھنا چاہتا ہے۔

امریکی کانگریس میں پاکستان کاکس کی چیئر پرسن نے ہیوسٹن میں ڈیموکریٹ رہنما طاہر جاوید اور ڈاکٹر آصف قدیر کی جانب سے دئیے گئے ظہرانے سے بھی خطاب کیا۔

پاک بھارت کشیدگی: خطے میں امن کے لیے پاکستان کا کردار قابلِ تعریف ہے، یورپی پارلیمنٹ

خیال رہے کہ گذشتہ سال جولائی میں شیلا جیکسن لی نے کہا تھا کہ پاکستانی کمیونٹی امریکا کی ترقی میں اہم کردار ادا کر رہی ہے، پاکستان میں جمہوری عمل کی حمایت کرتے ہیں۔

یاد رہے کہ چودہ فروری کو مقبوضہ کشمیر کے علاقے پلوامہ میں ہونے والے خود کش حملے کے بعد بھارت نے پاکستان کے خلاف جارحانہ اقدامات اٹھائے تھے۔

بھارتی فضائیہ نے 25 اور 26 فروری کی شب پاکستانی حدود کی خلاف ورزی کرتے ہوئے بالا کوٹ کے مقام جبہ پر طیاروں کا ایمونیشن گرایا تھا جس کے بعد وہاں کی حکومت نے کامیابی کے بلند و بانگ دعوے کیے تھے۔

Comments

comments

یہ بھی پڑھیں