اسلام آباد : وکیل چئیرمین پی ٹی آئی شیر افضل مروت کا سربراہ پی ٹی آئی پارلیمنٹرین پرویز خٹک کے پی ٹی آئی توڑنے کے دعویٰ پر دلچسپ تبصرہ سوشل میڈیا پر وائرل ہوگیا۔
تفصیلات کے مطابق وکیل چئیرمین پی ٹی آئی شیرافضل مروت نے پی ٹی آئی پارلیمنٹرین پرویز خٹک کے پی ٹی آئی توڑنے کے دعویٰ پر دلچسپ تبصرہ
کیا۔
شیرافضل مروت نے کہا کہ پرویز خٹک پی ٹی آئی توڑنےکی بات کر رہے ہیں، ان کی اپنی صلاحیت گنا توڑنے کی بھی نہیں۔
سوشل میڈیا پر وکیل چئیرمین پی ٹی آئی شیرافضل کا تبصرہ وائرل ہوگیا۔
گذشتہ روز سربراہ پی ٹی آئی پارلیمنٹرین پرویز خٹک نے دعویٰ کیا تھا کہ دو ماہ بعد تحریک انصاف پارلیمنٹرین صوبے کی نمبر ون پارٹی ہوگی۔
پرویز خٹک کا کہنا تھا کہ جو آج مذاق اڑاتے ہیں دوماہ بعد ہم ان کا مذاق اڑائیں گے ،میری حکومت میں کسی کا باپ بھی رشوت نہیں لے سکتا، یہ پارٹی پی ڈی ایم کے چوروں کے خلاف بنائی ہے۔
