راولپنڈی : شیر افضل مروت کی آج اڈیالہ جیل میں بانی پی ٹی آئی سے اہم ملاقات کا امکان ہے، انھوں نے دعوی کیا ہے کہ بانی پی ٹی ائی نے انہیں جیل میں ملاقات کے لیے بلایا ہے۔
تفصیلات کے مطابق اڈیالہ جیل میں بانی پی ٹی ائی سے آج ملاقاتوں کا دن ہے، بانی پی ٹی آئی کی فیملی کے اراکین پارٹی رہنماؤں اور وکلا آج ان سے ملاقات کریں گے۔
شیر افضل مروت کی آج عمران کان سے اڈیالہ جیل میں اہم ملاقات کا امکان ہے۔
ذرائع نے بتایا کہ شیر افضل مروت کی جانب سے دعوی کیا گیا ہے کہ بانی پی ٹی ائی نے انہیں جیل میں ملاقات کے لیے بلایا ہے۔
ملاقات کے دوران پارٹی رہنماؤں اور بانی پی ٹی ائی کے درمیان اپوزیشن جماعتوں کے گرینڈ الائنس سے متعلق پیشرفت اور اہم امور پر بات چیت ہوگی۔
ملاقات میں عمران خان کو اب تک اپوزیشن کے گرینڈ الائنس سے متعلّق ہونے والی پیشرف سے متعلق مکمل بریفنگ بھی دی جائے گی۔
یاد رہے گذشتہ ہفتے عمران خان کی ہدایت پر رکن قومی اسمبلی شیر افضل مروت کو پی ٹی آئی سے نکال دیا گیا تھا ، ان کیخلاف بار بار پارٹی ڈسپلن کی خلاف ورزی کی شکایات تھیں۔
