اے آر وائی ڈیجیٹل کے ڈرامہ سیریل ’شیر‘ کے پہلے ٹیزر نے دھوم مچادی۔
پاکستان شوبز انڈسٹری کے معروف اداکار دانش تیمور اور سارہ خان اے آر وائی ڈیجیٹل کے ڈرامہ سیریل ’شیر‘ میں پہلی بار اسکرین شیئر کریں گے۔
ٹیزر میں دانش تیمور اور سارہ خان نے پستول اٹھائی ہوئی ہے۔
یہ پڑھیں: دانش تیمور کی ڈرامہ سیریل ’شیر‘ سے پہلی جھلک جاری
سارہ خان، دانش تیمور سے کہتی ہیں کہ ’دشمنی میں گھری محبت کا یہی انجام ہونا تھا جواب میں وہ کہتے ہیں کہ ’انجام کا سوچ کر نہ بڑوں نے دشمنی کی نہ ہم نے محبت۔‘
ٹیزر کے آخر میں اداکارہ کہتی ہیں اب ایک ہی راستہ ہے۔ دانش تیمور کہتے ہیں ’جس سے نہ دشنی کا بھرم ٹوٹے اور نہ محبت کا، پھر دونوں گولی چلا دیتے ہیں۔‘
ویڈیو کو ہزاروں کی تعداد میں سوشل میڈیا صارفین دیکھ چکے ہیں اور جلد میگا پروجیکٹ دیکھنے کے لیے پرجوش ہیں۔
اس سے قبل سارہ خان اور دانش تیمور نے بھی اپنے کردار کی پہلی جھلک شیئر کی تھی۔
View this post on Instagram
’شیر‘ کی اضافی کاسٹ کے بارے میں مزید تفصیلات سامنے آنا باقی ہیں جبکہ احسن طالش نے اس کی ہدایت کاری کی ہے اور اسکرپٹ معروف ڈرامہ نگار زنجبیل عاصم شاہ کا ہے۔
ڈرامے کو آئی ڈریم انٹرٹینمنٹ کے اشتراک سے اے آر وائی ڈیجیٹل پر نشر کیا جائے گا۔
View this post on Instagram
