رمضان المبارک کا اختتام اور عید کی تیاریاں زوروں پر ہیں کہیں مٹھائیاں تیار کی جارہی ہیں تو کہیں کیک کے آرڈر دئیے جارہے ہیں مگر ایک ایسی روایتی ڈش بھی ہے جس کے بغیر عید ادھوری ہے اور اس کا نام ہے شیر خرمہ۔
شیر خرمہ کو تہواروں کا میٹھا بھی کہا جاتا ہے یہ مسلمانوں کی قدیم روایتی ڈش ہے جسے تہواروں یا خاص مواقع پر صبح صبح ناشتے میں کھا کر منہ میٹھا کیا جاتا ہے جانئے اس کی آسان ترکیب
اجزا
سویاں 250 گرام
گھی 150 کرام
دودھ 2 لیٹر
چینی 250 گرام
پستہ 15 گرام
بادام 50 گرام
چھوہارے 15 گرام
کیوڑہ کھانے والا 2 کھانے کے چمچ
سبز الائچی 8 دانے
ترکیب
ایک فرائی پین میں گھی ڈال کر گرم کریں پھر سبز الائچی کے دانے نکال کر ڈال دیں، جب خوشبو آنے لگے تو سویاں ڈال کر اتنا پکائیں کہ سویاں سرخ ہوجائے۔
ایک دوسرے پین میں دودھ اور چھوہارے ڈال کر اتنا پکائیں کہ دودھ تین چوتھائی رہ جائے تو چولہا بند کردیں، پھر اس دودھ کو سویوں میں ڈال کر ہلکی آنچ پر پکنے کیلئے رکھ دیں، تھوڑی دیر بعد اس میں چینی ڈال کر پکائیں اور بادام اور پستہ بھی ڈال دیں پھر کیوڑہ ڈال کر چولہے سے اتار لیں۔
٭ اس طرح سے آپ کا شیر خرمہ اتنا لذیز بنے گا کہ کھانے والے آپ کو عیدی بھی دے جائیں گے۔
