کراچی : وزیراطلاعات سندھ شرجیل انعام میمن نے گاڑی خریدنے اور چلانے والوں کو خبردار کردیا اور کہا کوئی شوروم سے گاڑی خریدے گا پہلے رجسٹرڈ کروائے گا۔
تفصیلات کے مطابق وزیراطلاعات سندھ شرجیل انعام میمن نے پریس کانفرنس میں خبردار کیا کہ اب اوپن لیٹر پر کوئی گاڑی نہیں چلےگی اور غیر رجسٹرڈ گاڑیوں کے متعلق میں سندھ اسمبلی میں بل پیش کیا جائے گا۔
شرجیل میمن کا کہنا تھا کہ غیر رجسٹرڈ گاڑیوں کے خلاف قانون سازی کی منظوری دے دی گئی ہے ، اب کوئی بھی رجسٹرڈ کے بغیر گاڑی نہ خریدی جاسکے کی اور نہ چلائی جاسکے گی۔
انھوں نے بتایا کہ کوئی شوروم سے گاڑی خریدے گا پہلے رجسٹرڈ کروائے گا، پہلے قانون کے مطابق گاڑی 60 دن میں رجسٹرڈ کرانا ہوتی تھی۔
ان کا مزید کہنا تھا کہ کرائم میں غیر رجسٹرڈ گاڑیاں استعمال ہوتی ہیں اس کی روک تھام ہوگی، تمام لوگ اپنی گاڑیاں رجسٹرڈ کرالیں۔
