اسلام آباد : پیپلز پارٹی کی رہنما شیری رحمان نے پی ٹی آئی چیئرمین پر تنقید کرتے ہوئے کہا ‘عمران خان آرمی چیف کوبات چیت کی نہیں اقتدار میں لانےکی درخواست کررہے ہیں۔
تفصیلات کے مطابق پیپلز پارٹی کی رہنما شیری رحمان نے سماجی رابطے کی ویب سائٹ ٹوئٹر پرعمران خان کے بیان پر ردعمل دیتے ہوئے کہا کہ عمران خان نے ایک بارپھراسٹیبلشمنٹ کی منت سماجت شروع کردی، گریبان پکڑنے سے کام نہیں ہواتوپاؤں پکڑنےپرآگئے، 10ماہ اداروں کیخلاف ہرزہ سرائی کرنے والا اب کہتا ہے اسٹیبلشمنٹ سے لڑائی نہیں۔
دھونس دھمکی اور بلیک میلنگ کی حکمت عملی ناکام ہونے کے بعد عمران خان نے ایک بار پھر اسٹیبلشمنٹ کی منت سماجت شروع کر دی ہے۔ گریبان پکڑنے سے کام نہیں ہوا تو پاؤں پکڑنے پر آ گئے ہیں۔ 10 ماہ اداروں کے خلاف ہرزاسرائی کرنے والا اب کہتا ہے اسٹیبلشمنٹ سے کوئی لڑائی نہیں۔1/3
— SenatorSherryRehman (@sherryrehman) March 4, 2023
شیری رحمان کا کہنا تھا کہ عمران خان الیکشن سے پہلے امریکا سے خوشگوار تعلقات،اسٹیبلشمنٹ سے بات کا خواہشمندہے، عمران خان آرمی چیف کوبات چیت کی نہیں اقتدار میں لانےکی درخواست کررہےہیں، تحریک انصاف کو اقتدار میں آنے کیلئے اسٹیبلشمنٹ کی بے ساکھیاں چاہئیں۔
اداروں اور امریکہ پر الزامات لگانے والے عمران خان انتخابات سے پہلے امریکہ سے "خوشگوار” تعلقات جبکہ اسٹیبلشمنٹ سے "بات” کرنے کا خواہشمند ہے۔ یہ سیاست نہیں منافقت ہے۔ عمران خان نئے آرمی چیف کو بات چیت کی نہیں بلکہ اقتدار میں لانے کی درخواست اور منت سماجت کر رہے۔ 2/3
— SenatorSherryRehman (@sherryrehman) March 4, 2023
پیپلز پارٹی کی سینیٹر نے ایک اور ٹوئٹ میں لکھا ‘تحریک انصاف کو اقتدار میں آنے کیلئے اسٹیبلشمنٹ کی بے ساکھیاں چاہئیں، عمران خان کو الیکشن فریم ورک پر بات کرنی ہوتی تو پارلیمنٹ سے رجوع کرتے، یہ الیکشن نہیں سلیکشن فریم ورک کی تلاش میں ہیں۔
ان کا مزید کہنا تھا کہ سیاستدانوں سےہاتھ نہ ملانےوالےعمران خان اسٹیبلشمنٹ سےبات کرنےکیلئےپاؤں پکڑرہےہیں۔
تحریک انصاف کو اقتدار میں آنے کیلئے اسٹیبلشمنٹ کی بے ساکھیاں چاہئیں۔عمران خان کو اگر الیکشن فریم ورک پر بات کرنی ہوتی تو پارلیمنٹ سے رجوع کرتے،یہ الیکشن نہیں "سلیکشن فریم ورک” کی تلاش میں ہیں۔سیاستدانوں سے ہاتھ نا ملانے والے عمران خان اسٹیبلشمنٹ سے بات کرنے کیلئے پاؤں پکڑ رہے۔3/3
— SenatorSherryRehman (@sherryrehman) March 4, 2023
