site
stats
سندھ

شیعہ رہنماء مرزا یوسف کی ضمانت منظور

کراچی: لاؤڈ اسپیکر ایکٹ کی خلاف ورزی کے مقدمے میں گرفتار شیعہ ایکشن کمیٹی کے رہنماء غلام مرزا یوسف کی درخواست ضمانت منظور کرتے ہوئے انہیں 50 ہزار روپے کے مچلکے جمع کروانے کی ہدایت کردی۔

تفصیلات کے مطابق کراچی کی مقامی عدالت میں شیعہ ایکشن کمیٹی کے مولانا مرزا یوسف کی ضمانت سے متعلق درخواست پر سماعت ہوئی، عدالت نے مرزا یوسف حسین کی ضمانت منظور کرتے ہوئے انھہں 50 ہزار کے مچلکے جمع کروانے کا حکم دیا۔

خیال رہے شیعہ ایکشن کمیٹی کے رہنماء کے خلاف شریف آباد تھانے میں لاؤڈ اسپیکر ایکٹ کے تحت  مقدمہ درج کیا گیا تھا جن میں دہشت گردی کی دفعات بھی شامل تھیں تاہم تفتیشی افسر کی درخواست پر ایف آئی آر میں سے دہشت گردی کی دفعہ 7 اے ٹی اے ختم کردی گئی تھی۔


پڑھیں: ’’ مرزا یوسف عدالتی ریمانڈ پر جیل منتقل ‘‘


تفتیشی افسر کی درخواست پر دہشت گردی کی دفعہ ختم ہونے کے بعد مولانا یوسف کے خلاف مقدمے کو انسداد دہشت گردی کی عدالت سے مقامی عدالت منتقل کردیا گیا ہے۔

واضح رہے گزشتہ دنوں کراچی میں فرقہ وارانہ قتل کے بعد قانون نافذ کرنے والے اداروں نے معروف مذہبی شیعہ رہنماء اور پی پی کے سابق سینیٹر فیصل رضا عابدی کو دو افراد کے قتل کے الزام میں اُن کی رہائش گاہ سے گرفتار کیا تھا۔


مزید پڑھیں: ’’ پٹیل پاڑہ قتل کیس: پی پی رہنما فیصل رضا عابدی گرفتار ‘‘


بعد ازاں شیعہ رہنماء کو ریمانڈ پر پولیس کے حوالے کردیا گیا تھا، فیصل رضا عابدی کی گرفتاری کے بعد شیعہ مسلک کی تنظیموں نے نمائش سمیت کراچی کے مختلف علاقوں میں احتجاجی دھرنے دیے تھے۔
Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top