شکار پور: کچے کے علاقے مرزاپور میں زمین کے تنازع پر دو گروپوں میں تصادم کے نتیجے میں 6 افراد ہلاک ہوگئے۔
تفصیلات کے مطابق شکار پور میں کچے کے علاقے مرزاپور میں جونیجو اور کلہوڑو برادری میں زمین کے تنازع پر تصادم ہوا، دونوں گروپوں میں فائرنگ کے نتیجے میں 6 افراد ہلاک جبکہ 2 زخمی ہوگئے۔
پولیس کا کہنا ہے کہ علاقے کو گھیرے میں لے لیا گیا ہے ساتھ ہی مزید نفری طلب کرلی ہے، دونوں گروپوں میں فائرنگ کا سلسلہ وقفے وقفے سے جاری ہے۔
- Advertisement -
ایس ایس پی امجد شیخ کا اس حوالے سے کہنا ہے کہ فائرنگ میں ہلاک افراد میں اکثریت جرائم پیشہ افراد کی ہے جس کے لیے ہلاک ہونے والے افراد کا ریکارڈ چیک کیا جا رہا ہے۔
پولیس کا مزید کہنا ہے کہ ہلاک افراد کی لاشیں جائے وقوع پر اب بھی موجود ہے، فائرنگ میں جدید اسلحے کا استعمال کیا گیا ہے۔
