راج کندرا کی 2 سال قبل فحش فلموں کے کیس میں گرفتاری اور جیل میں گزارے وقت پر فلم بنانے کا فیصلہ ہوا ہے۔
بھارتی میڈیا رپورٹ کے مطابق دو سال قبل فحش فلموں کے کیس میں ضمانت پر رہا ہونے والے راج کندرا پر فلم بنائی جائے گی، جس میں وہ خود اداکاری کے جوہر دکھائیں گے۔
رپورٹس میں بتایا گیا کہ فلم میں راج کندرا کی گرفتاری، رہائی اور جیل میں گزارے دنوں سے متعلق ہی کہانی بیان کی جائے گی۔
واضح رہے کہ راج کندرا اداکارہ شلپا شیٹی کے شوہر ہیں، جنہیں فحش فلمیں بنانے اور ان کی تشہیر کے الزام میں گرفتار کیا گیا تھا۔ 63 روز جیل میں قید رہنے کے بعد انہیں ضمانت پر رہائی ملی۔
بھارتی میڈیا رپورٹس کے مطابق راج کندرا پر بنائی جانے والی فلم کا اعلان جلد کیا جائے گا۔
