اسلام آباد: پاکستان تحریک انصاف (پی ٹی آئی) کی رہنما شیریں مزاری کا مسلم لیگ ن کی مرکزی نائب صدر مریم نواز کے بیان پر ردعمل آگیا۔
اے آر وائی نیوز کے مطابق سابق وفاقی وزیر شیریں مزاری کا کہنا ہے کہ شریف خاندان عقل و فہم کے سنگین مسائل سے دوچار ہے، مریم نواز کے والد کی سیاست سے قوم اچھی طرح واقف ہے۔
انہوں نے کہا کہ نواز شریف کی نااہلی سازش کا نتیجہ نہیں ان کے اپنے کرتوتوں کا ثمر تھا، پاناما لیکس خود نواز شریف کے دور میں منظرعام پر آئیں۔
شریں مزاری نے کہا کہ پاناما جیسے عالمی انکشاف سے نواز شریف کی کرپشن بے نقاب ہوئی اور ان کے خلاف تحقیقات سپریم کورٹ کی نگرانی میں جے آئی ٹی نے کیں۔
پی ٹی آئی رہنما نے کہا کہ نواز شریف کی نااہلی، کرپشن پر فیصلے، سپریم کورٹ، احتساب عدالت نے سنائے، یہ حقیقت قوم تسلیم کرچکی ہے کہ نواز شریف نے لوٹ مار کو اولین ہدف بنایا، جب وہ اقتدارسے نکلے تو این آر او اور چوری معافی کیلئے ہاتھ پاؤں مارتے رہے۔
انہوں نے مزید کہا کہ مریم نواز والد کے پلیٹ لیٹس پورے کرنے کے ساتھ دماغ کے لیے بھی معالج رکھیں، ملک کے خلاف کرپٹ خاندان کے عزائم کی راہ میں بڑی رکاوٹ عمران خان ہیں۔
واضح رہے کہ اس سے قبل مریم نواز نے عمران کے ٹویٹ پر ردعمل دیتے کہا تھا کہ ’آپ کی یادداشت 2018 تک نہیں جاتی آپ نے چند افسران کے ساتھ مل کر نواز شریف کے خلاف سازش کی عوامی مینڈیٹ پر ڈاکہ ڈالا تھا۔
U have a selective memory, people don’t. U collude with certain elements of estb,they raise &feed u like their Godson. Now u beg for their unconstitutional interference& when it is denied u call them traitors. U have the audacity to talk about trust deficit? U think ppl r fools? https://t.co/2yahxyn1xL
— Maryam Nawaz Sharif (@MaryamNSharif) November 30, 2022
