تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ترکی کے مشہور شیش کباب بنانے کی ترکیب

شیش کباب ترکی کی مشہور ڈش ہے جو نہایت ذوق و شوق سے کھائے جاتے ہیں۔ انہیں آپ باآسانی اپنے گھر میں بھی بنا سکتے ہیں۔

اجزا

مٹن یا بیف، انڈر کٹ، کیوب: 1 کلو

پیاز: 1 عدد

لیموں کا رس: 2 چائے کے چمچ

ٹماٹر، کیوب کی شکل میں کاٹ لیں: 2 عدد

شملہ مرچ، کیوب: 2 عدد

زیتون کا تیل: ایک تہائی کپ

کالی مرچ کٹی ہوئی: 1 چائے کا چمچ

نمک: حسب ذائقہ

ابلے ہوئے چاول: حسب ضرورت

سیخیں: 6 سے 7 عدد

ترکیب

چاولوں کو اورنج فوڈ کلر کے ساتھ ابال لیں۔

مکسنگ باؤل میں گوشت، نمک، کالی مرچ، لیموں کا رس اور زیتون کا تیل ڈال کے مکس کریں اور گوشت کو 3 سے 4 گھنٹے میری نیٹ کریں۔

گرل اوون کو پری ہیٹ کرلیں۔

سیخوں پر گوشت کی بوٹیاں، ٹماٹر، شملہ مرچ یکے بعد دیگرے پروئیں اور اوون میں 8 سے 10 منٹ گرل کریں پھر سائڈ بدل کے 8 سے 10 منٹ دوبارہ گرل کریں۔ خیال رکھیں کہ یہ ٹھیک طرح سے گل جائے۔

سرو کرتے وقت سیخوں سے اتار کے چاولوں پر رکھ دیں۔

میری نیٹ کرتے ہوئے اس میں پپیتا یا گوشت گلانے والا پاؤڈر بھی ڈال سکتے ہیں تاکہ ٹھیک طرح سے گلے۔ آپ اس کو کوئلے کی انگیٹھی یا توے پر بھی بنا سکتے ہیں۔

اگر آپ کے پاس سیخیں نہیں ہیں تو شاشلک اسٹک پر پرو لیں اور اسٹکس اسی طرح چاولوں پر رکھ کے پیش کریں جو زیادہ اچھا تاثر دیں گی۔

Comments

- Advertisement -