The news is by your side.

شیوسینا نے علیم ڈار کو بھارت چھوڑنے کی دھمکی دے دی

ممبئی: بی سی سی آئی کے اجلاس کے بعد علیم داڑ شیو سینا کا اگلہ نشانہ بنے، شیوسینا نے علیم داڑ کو بھارت چھوڑنے کی دھمکی دے دی ہے.

بھارتی میڈیا کے مطابق شیوسینا نے ایک بار پھر پاکستانیوں کیخلاف تشدد کا دائرہ وسیع کردیا ہے، شدت پسند تنظیم شیو سینا نے بھارت اور جنوبی افریقا کے درمیان جاری سریز میں ایمپائرنگ کرنے والے علیم ڈار کو بھی نہیں بخشا اور ان پر دھمکیوں کے تیر برسا دئیے.

شیوسینا نے علیم ڈار کو دھمکی آمیز پیغام میں کہا کہ ممبئی میں پچیس اکتوبر کو ہونیوالے میچ میں فرائض انجام نہیں دینے دینگے، علیم ڈار اپنے وطن واپس لوٹ جائیں.

واضح رہے کہ اس سے قبل بھی سابق پاکستانی وزیر خارجہ خورشید محمود قصوری کی کتاب کی تقریب رونمائی روکنے کے لئے شیو سینا نے اوچھے ہتھکنڈے استعمال کیے، معروف گلوکار غلام علی کا ممبئی اور پونے میں ہونیوالا کانسرٹ شیو سینا کی دھمکیوں کی بھینٹ چڑھ گیا۔

رواں سال معروف گلوکار عاطف اسلم کا پونے میں کانسرٹ روکا گیا جبکہ گزشتہ سال شیو سینا کے شدت پسند وں نے پاکستانی میوزیکل بینڈ میکال حسن کی پریس کانفرنس پر حملہ کیا۔

شدت پسندشیو سینا اس سے پہلے بھی کئی پاکستانی فنکاروں کو پرفارم کرنے سے روک چکی ہے۔

Print Friendly, PDF & Email

Comments

comments

یہ بھی پڑھیں