سابق اسپیڈ اسٹار شعیب اختر کا کہنا ہے کہ بالی ووڈ سے فلم کی آفر ہوئی لیکن اسے قبول نہیں کیا۔
اے آر وائی نیوز کے مطابق سابق فاسٹ شعیب اختر نے غیرملکی میڈیا کو انٹرویو میں کہا کہ بالی ووڈ فکی فلم گینگسٹر میں عمران ہاشمی کا رول انہیں آفر کیا گیا تھا۔
راولپنڈی ایکسپریس نے کہا کہ آج کل فاسٹ بولرز میں شعیب اختر والی بات نہیں، نہ وہ لمبے بال رکھتے ہیں اور نہ ہی تیز گیند بازی کرتے ہیں۔
انہوں نے کہا کہ فاسٹ بولرز سر پر گیند بھی نہیں مارتے ہیں اس عمر میں بھی اگر تین مہینے ٹریننگ کرلوں تو 150 میل فی گھنٹہ کی رفتار سے گیند کرسکتا ہوں۔
انہوں نے کہا کہ ثقلین مشتاق کیریئر کے دنوں میں سب سے بہترین دوست تھے، ان کی پرسنالٹی بہت تنگ کرنے والی تھی، انہیں پیار سے بہت مارا ہے، وہ دنیا کے سب سے بہترین اسپنر ثابت ہوئے۔
انہوں نے کہا کہ راہول ڈریوڈ کی کلکتہ 1999 سے زیادہ ایڈمن گلکرسٹ کی 2002 ٹیسٹ میچ کی وکٹ سب سے پسندیدہ وکٹ ہے۔
قومی ٹیم کے سابق فاسٹ بولر نے کہا کہ بابر اعظم موجودہ دور میں سب سے بہترین بیٹر ہیں۔
شعیب اختر نے کہا کہ اگر میرے گھٹنے کا آپریشن اور تین ماہ کی ٹریننگ مک جائے تو 145 کلومیٹر فی گھنٹہ سے گیند کروا سکتا ہوں۔
شعیب اختر نے کہا کہ شاید آج بھی 150 کلومیٹر فی گھنٹہ سے گیند کروا دوں، میں نے 161.3 کلومیٹر فی گھنٹہ سے بھی تیز گیند بازی کی ہے، بلکہ 163 کلومیٹر فی گھنٹہ سے تیز گیند بھی کروا چکا ہوں۔
