دنیائے کرکٹ کے تیز ترین بولرز میں سے ایک شعیب اختر نے آسٹریلوی ٹیم کی لگاتار دو شکستوں کے بعد پیش گوئی کی تھی جو اب بالکل درست ثابت ہوگئی ہے۔
ون ڈے ورلڈکپ 2023 کے فائنل میں آسٹریلیا نے بھارت کو اس کے ہوم کراؤڈ کے سامنے عبرتناک شکست سے دوچار کیا۔ دلچسپ بات یہ ہے کہ کینگروز کو بھارت کے ہاتھوں ایونٹ کے پہلے میچ میں بری طرح ہزیمت اٹھانا پڑی تھی۔
بعدازں جنوبی افریقہ نے بھی آسٹریلیا کو تقریبا ون سائیڈڈ مقابلے منیں شکست دی تھی جس کے بعد ان پر تنقید شروع ہوگئی تھی۔ تاہم پاکستان کے سابق کرکٹر شعیب اختر نے ان کے حق میں پیشگوئی کی تھی جو صحیح ثابت ہوگئی۔
راولپنڈی ایکسپریس کے نام سے مشہور سابق پیسر نے 12 اکتوبر کو آسٹریلیا کی ٹیم سے متعلق اپنے پیغام میں یہ دعویٰ کیا تھا مسلسل ہار کے بعد آسٹریلیا اپنا غصہ ساری ٹیموں پر نکال دے گا۔
ورلڈکپ گروپ اسٹیج کے دوران جنوبی افریقہ اور آسٹریلیا کے میچ سے قبل شعیب اختر کا اپنی ٹوئٹ میں کہنا تھا کہ اگر آسٹریلو ٹیم آج کا میچ بھی ہار گئی تو یہ باقی کے پورے ٹورنامنٹ کے دوران سب پر اپنا غصہ نکالے گی۔
Haanji. Told you over a month ago 🙂 https://t.co/jwkfR89TVs
— Shoaib Akhtar (@shoaib100mph) November 19, 2023
اب کینگروز نے آئی سی سی ایونٹ کے فائنل میں بھارت کو جس طرح چت کیا ہے اس سے شعیب اختر کی بات دست ثابت ہوگئی ہے، جس کا اظہار انھوں نے کئی ہفتوں قبل اپنے سوشل میڈیا اکاؤنٹ پر کیا تھا۔
واضح رہے کہ احمدآباد کے نریندر مودی اسٹیڈیم میں بھارتی ٹیم 240 رنز بنا کر آل آؤٹ ہوگئی تھی۔ جواب میں آسٹریلیا نے 241 رنز کا ہدف 4 وکٹوں کے نقصان پر 43ویں اوورز میں پورا کر کے عالمی چیمپئن بننے کا اعزاز حاصل کیا تھا۔