The news is by your side.

Advertisement

شعیب اختر نے نیا پنڈورا باکس کھول دیا، ویڈیو وائرل

راولپنڈی: سابق اسپیڈ اسٹار شعیب اختر نے قومی ٹیم میں نیا پنڈورا باکس کھول دیا۔

تفصیلات کے مطابق راولپنڈی ایکسپریس شعیب اختر نے قومی ٹیم کے کھلاڑی دانش کنیریا کے ساتھ امتیازی سلوک روا رکھا جانے کا انکشاف کیا ہے۔

سرکاری اسپورٹس چینل پر گفتگو کرتے ہوئے شعیب اختر نے کہا کہ لیگ اسپنر دانش کنیریا کو ہندو مذہب کی وجہ سے ٹیم میں امتیازی سلوک کا نشانہ بنایا جاتا تھا۔

شعیب اختر کا کہنا تھا کہ ٹیم کے کئی کھلاڑی اسی وجہ سے دانش کے ساتھ کھانا نہیں کھاتے تھے، میں ہمیشہ ہی انہیں ایسا کرنے سے منع کرنا تھا، بہت سے لوگ اسی وجہ سے کنیریا کی ٹیم میں موجودگی کے بھی خلاف تھے۔

دوسری جانب دانش کنیریا نے پاکستان ٹیم میں اپنے ساتھ ہونے والے امتیازی سلوک سے متعلق شعیب اختر کے دعوے کی تصدیق کردی۔

دانش کنیریا کا کہنا تھا کہ شعیب ایک لیجنڈ پلیئر ہیں، پہلے مجھ میں اس بارے میں کچھ کہنے کا حوصلہ نہیں تھا مگر اب شعیب بھائی کے کمنٹس کے بعد میں بھی بول رہا ہوں۔

سابق لیگ اسپنر نے کہا کہ انضمام الحق، محمد یوسف اور یونس خان بھی ہمیشہ سپورٹ کرتے رہے ہیں، جو ایسا نہیں کرتے تھے میں جلد ہی ان کا نام ظاہر کروں گا، میں خوش قسمت ہوں اور یہ میرے لیے اعزاز ہے کہ پاکستان کے لیے کرکٹ کھیلی۔

Comments

یہ بھی پڑھیں