ایشیا کپ 2023 کے سپر فور مرحلے میں پاکستان اور بھارت کی ٹیمیں ایک دفعہ پھر مقابلہ کرنے کے لیے تیار ہے۔
کولمبو میں اتوار کو سپر فور مرحلے میں روایتی حریف ایک دوسرے سے ٹکرائیں گے اس میچ کے لیے ہر ایک پرجوش ہے، شائقین موسم کے بارے میں فکر مند ہیں تاہم توقع کی جارہی ہے کہ یہ مقابلہ ایک بار پھر بارش کی نظر ہوجائے گا۔
دوسری جانب سری لنکا کے دارالحکومت شہر میں 10 ستمبر کو 70 فیصد سے زیادہ بارش کی پیش گوئی کی گئی ہے، جس کے بعد ایشین کرکٹ کونسل (اے سی سی) نے اس میچ کے لیے ریزور ڈے رکھا ہے۔
تاہم اس پاک بھارت ٹاکرے کو دیکھنے کے لیے پاکستان کے سابق فاسٹ بولر شعیب اختر بھی کولمبو پہنچ گئے ہیں جہاں سے انہوں نے اپنے شائقین کے ساتھ موسم کے حوالے سے ایک اچھی خبر شیئر کی ہے۔
Just landed in Colombo. Excited about Pakistan vs India.
Weather looks quite amazing. #Pakistan #India #cricket pic.twitter.com/m8hVbnVMo9— Shoaib Akhtar (@shoaib100mph) September 9, 2023
شعیب اختر نے مائیکروبلاگنگ سائٹ ایکس (سابقہ ٹوئٹر) پر ایک ویڈیو شیئر کی اور بھارتی بلے بازوں کے لیے وارننگ جاری کی۔
انہوں نے کہا کہ کہ’ اللہ جانے کتنے سال بعد کولمبو میں لینڈ کیا لیکن یہاں واپس آنا اچھا لگ رہا ہے، سری لنکا عظیم لوگوں کا ملک ہے، اور یہاں موسم بھی ٹھیک لگ رہا ہے، اور ہاں بچ کے رہنا پاکستان سے‘۔
واضح رہے کہ پاکستان کرکٹ بورڈ (پی سی بی) کی کوششوں سے پاک بھارت میچ کے ریزرو ڈے کے لیے سیشین کرکٹ کونسل (اے سی سی) نے حامی بھرلی۔
پاکستان کرکٹ بورڈ نے بارشوں کے تناظر میں متعدد بار اعتراضات اٹھائے تھے، جس کے بعد اے سی سی نے ریزرو ڈے کا فیصلہ کیا۔
اگر کل پاک بھارت میچ مکمل نہیں ہوتا تو 11 ستمبر کو جاری رہے گا، میچ وہیں سے شروع ہوگا جہاں پر روکا گیا ہوگا ۔
