The news is by your side.

شعیب اختر کے ٹوئٹ نے بھارت کو سیخ پا کردیا

انگلینڈ کے ہاتھوں عبرتناک شکست پر شعیب اختر کے ٹوئٹ نے بھارتیوں کے زخموں پر نمک چھڑک دیا۔

تفصیلات کے مطابق انگلش ٹیم کے ہاتھوں ورلڈ ٹی ٹوئنٹی کے سیمی فائنل میں بھارت کو 10 وکٹوں سے شکست ہوئی۔

بھارت کی شکست پر شعیب اختر نے فوری سوشل میڈیا پر ردعمل دیا اور لکھا کہ 170/0 یہ بھارت کے لئے مشکل کھیل تھا جو آنے والے وقتوں میں اس کے لئے مشکلات پیدا کرے گا۔

واضح رہے کہ آج ٹی ٹوئنٹی ورلڈکپ کے دوسرے سیمی فائنل میں انگلینڈ نے بھارت کو 10 وکٹوں سے عبرتناک شکست دیتے ہوئے فائنل کے لئے ٹکٹ کٹائی، جہاں اتوار کو اس کا مقابلہ پاکستان سے ہوگا۔

یہ بھی پڑھیں:  روہت شرما نے شکست کا ملبہ کس پر ڈالا؟

ایک سو ستر رنز ہدف کے تعاقب میں انگلش اوپنر بیٹرز نے بھارتی بولرز کی خوب دھلائی کی، ایلکس ہیلز نے 45 گیندوں پر 7 چھکوں اور 3 چھکوں کی مدد سے 81 جبکہ جوز بٹلر نے 45 گیندوں پر 2 چھکوں اور 9 چوکوں کی مدد سے 71 رنز بنائے۔

یہ پہلا موقع نہیں ہے، اس سے قبل گذشتہ سال بھی ٹی ٹوئنٹی ورلڈکپ کے گروپ میچ میں پاکستان نے بھارت کو 10 وکٹوں سے شکست دی تھی۔

پاکستان کی جانب سے بابراعظم 68 اور محمد رضوان نے 79 رنز ناٹ آؤٹ اننگز کھیلی تھی۔

 

Comments

یہ بھی پڑھیں