خان پور : سگے باپ کا 11 سالہ بیٹے اور 2 بیٹیوں کے ساتھ جنسی زیادتی کرنے کا لرزہ خیز انکشاف ہوا، پولیس نے مقدمہ درج کر کے ملزم گرفتار کر لیا۔
رحیم یار خان کی تحصیل خان پور کے تھانہ اسلام گڑھ کی حدود چک 92 ون ایل میں سگا باپ جنسی درندہ بن گیا، 11 سالہ بیٹے ارسلان ، 2 بیٹیوں علیزہ اور علیشبہ کے ساتھ جنسی زیادتی کرنے کا لرزہ خیز انکشاف ہوا۔
پولیس نے مقدمہ درج کر کے ملزم گرفتار کر لیا، اس دل دہلا دینے والے واقعہ کے خلاف اہل علاقہ نے شدید احتجاج کیا۔
متاثرہ لڑکی علیزہ نے اپنی دوسری بہن علیشبہ اور 11 سالہ بھائی ارسلان کے ہمراہ میڈیا کو بتایا کہ 10 سال قبل ہماری سگی والدہ کا انتقال ہو گیا، جس کے بعد سے ہمارا والد ہم پر بری نظر رکھتا تھا۔
متاثرہ لڑکیوں نے روتے ہوئے بتایا کہ ان کے باپ عباس نے انہیں اور ان کے بھائی ارسلان کو متعدد بار جنسی زیادتی کا نشانہ بنایا اور دھمکاتا تھا کہ اگر کسی کو بتایا تو جان سے مار دوں گا۔
گزشتہ روز بھی ایک بار پھر 11 سالہ ارسلان کو زیادتی کا نشانہ بنانے لگا تو موقع پر بچہ وہاں سے بھاگ نکلا اور اہل علاقہ کو بتا دیا۔
احتجاجی افراد نے میڈیا کو بتایا کہ پولیس نے درج ہونے والی ایف آئی آر میں زیادتی کی کوشش لکھ کر ملزم کو رعایت دی ہے۔
