The news is by your side.

Advertisement

معروف اداکارہ کا اپنی طلاق سے متعلق چونکا دینے والا انکشاف

پاکستانی شوبز انڈسٹری کی معروف اداکارہ، میزبان و ماڈل فضا علی نے پہلی بار اپنی طلاق سے متعلق کھل کر گفتگو کی ہے۔

فضا علی نے حال ہی ایک مارننگ شو میں بطور مہمان خصوصی شرکت کی اور اپنی نجی وپیشہ وارانہ زندگی سے متعلق دل کھول کر باتیں کیں۔

فضا علی نے بتایا کہ وہ اپنے سابق شوہر فواد فاروق سے شادی سے قبل ہی کراچی میں رہائش پذیر تھیں، اُن کے شوہر ایک کاروباری شخصیت تھے اسی لیے وہ اپنے شوہر کے ہمراہ ہی لاہور آئی تھیں۔

معروف اداکارہ کا کہنا تھا کہ سابق شوہر فواد سے اُن کا کبھی کوئی جھگڑا نہیں ہوا، نہ ہی ان کے شوہر نے کبھی انہیں گالی دی اور نہ ہی اُن پر ہاتھ اٹھایا لیکن اُن کے شوہر ایک سماجی شخصیت ہیں، اُن کے شوہر کو پارٹیوں میں شرکت کا شوق تھا لیکن جس فیملی سے وہ تعلق رکھتی ہیں وہاں یہ سب پسند نہیں کیا جاتا تھا۔

فضا علی نے بتایا کہ فواد کو سوشلائزنگ کا بہت شوق تھا اور اُن کے شوہر کی خواہش تھی کہ وہ بھی سوشل ہوجائیں اور حلقہ احباب میں اُن کی (فضا علی) کی باتیں ہوں۔

یہ بھی پڑھیں: فضا علی نے سجاد علی سے شادی کی خبروں پر خاموشی توڑ دی

فضا علی نے کہا کہ اُن کے شوہر کا ماننا تھا کہ وہ (فضاعلی) جو بھی کام کرتی ہیں وہ سب کچھ کچرا ہے، وہ دو ٹکے کا کام کرتی ہیں اور اُن کے شوہر کے نزدیک اُن کا ڈرامہ انڈسٹری میں کام کرنے کے بجائے سوشل ہونا زیادہ اہم تھا۔

فضا علی نے انٹرویو کے دوران انکشاف کیا کہ ہماری زندگی میں کچھ ایسے ذاتی مسائل بھی سامنے آئے جس کے بعد اُن کے گھر والوں نے فیصلہ کیا کہ وہ فواد کے ساتھ نہیں رہیں گی، اس پر کوئی جھگڑا نہیں ہوا اور نہ کوئی ماحول خراب ہوا تھا، بیٹی کی خاطر ہم آج بھی ایک دوسرے سے رابطے میں ہیں، وہ فواد کے گھر جاتی ہیں لیکن اگر کوئی مسئلہ ہو جائے تو گھر کے باہر ہی کھڑے بات کر لیتی ہیں اور ساس سسر کو وہ آج بھی امی ابو ہی کہتی ہیں۔

واضح رہے کہ فضا علی کی دو ہزار سات میں فواد فاروق سے شادی ہوئی تھی اور اِن کی ایک بیٹی بھی ہے۔

Comments

یہ بھی پڑھیں