اسلام آباد : دہشت گردوں کی جانب سے بلوچ خواتین کے استحصال سے متعلق ہوشربا انکشافات سامنے آگئے، جس میں کہا عدیلہ ، شاری بلوچ، ماہل بلوچ کو سماجی اور نفسیاتی دباؤ پر خودکش بمبار بننے پر مجبور کیا۔
تفصیلات کے مطابق بین الاقوامی ادارے ولسن سینٹر نے کالعدم بی ایل اے کا گھناؤنا کردار بے نقاب کر دیا، بین الاقوامی ادارہ ولسن سینٹر واشنگٹن کا مستند تھنک ٹینک ہے۔
ولسن رپورٹ میں بتایا گیا کہ بی ایل اے دہشت گرد کارروائیوں میں بلوچ خواتین کا استحصال کرنے کے شواہد ہیں۔
بلوچ دہشت گرد تنظیمیں بالخصوص کالعدم بی ایل اے جنسی استحصال میں ملوث ہے، بی ایل اے عدیلہ بلوچ جیسی خواتین کو بلیک میل کر کے مفادات کیلئے بھرتی کرتی ہے۔
رپورٹ میں بتایا کہ بی ایل اے نے عدیلہ بلوچ کو نفسیاتی اور ذہنی دباؤ کے بعد ناکام خود کش حملے پر مجبور کیا۔
عدیلہ بلوچ کے والد نے کہا جب بیٹی لاپتہ ہوئی توتلاش کرنے کیلئےہر ممکن کوشش کی، حکومتی تعاون سے آج بیٹی دہشت گردوں سے آزاد ہو کر ہمارے ساتھ ہے۔
ولسن رپورٹ میں کہا گیا ک بلوچ دہشت گرد تنظیمیں خواتین کی نازیبا ویڈیوز بنا کر بلیک میل کرتی ہیں اور خواتین کو خودکش بمبار بھرتی کرنے کیلئے جنسی درندگی کرتی ہے۔
رپورٹ میں انکشاف کیا گیا کہ عدیلہ ، شاری بلوچ اور ماہل بلوچ کو سماجی اور نفسیاتی دباؤ پر خودکش بمبار بننے پر مجبور کیا۔
ولسن رپورٹ میں کہنا تھا کہ تربت کی 27 سالہ عدیلہ بلوچ کو بی ایل اے نے فریب سے جال میں پھنسایا، بی ایل اے نفسیاتی دباؤ ڈال کردہشتگردکارروائیوں میں خواتین کااستعمال کر رہی ہے۔
ماہل بلوچ کے والد نے درخواست کی تھی کہ والدین اپنے بچوں کوتعلیم دیکردہشت گردانہ کارروائیوں سے بچائیں۔
