ترکیہ کی ریاست دیار بقر میں ایک افسوسناک واقعہ پیش آیا جب ایک شخص نے اپنی محبوبہ کی شادی میں پہنچ کر اس کے دولہا پر فائرنگ کردی۔
بین الاقوامی خبر رساں ادارے کی رپورٹ کے مطابق فائرنگ کرنے والا شخص لڑکی سے شادی کا متمنی تھا، مگر لڑکی نے اس کی بات رد کردی تھی، ملزم سے یہ برداشت نہ ہوا اور شادی کی تقریب میں پہنچ کر دولہا پر فائرنگ کردی۔
Diyarbakır’da bir kişi, evlenme isteğini kabul etmeyen ve başkasıyla evlenen bir kadının düğününü bastı ve damadı silahla vurdu.
Ağır yaralanan damat hastaneye kaldırıldı.
— Yeni Şafak (@yenisafak) September 6, 2023
اطلاعات کے مطابق موقع پر موجود افراد نے دولہا کو اسپتال منتقل کیا جہاں اس کی زندگی بچانے کی کوششیں کی جارہی ہیں۔
اس حملے کی تفصیلات ترکیہ کے ینی شفق میڈیا آؤٹ لیٹس پر شائع ہونے والی ویڈیو میں دیکھی جاسکتی ہیں جنہیں سی سی ٹی وی کیمروں نے محفوظ کر لیا۔
مشتعل نوجوان کو ویڈیو میں گولی چلاتے ہوئے دیکھا جاسکتا ہے، جس کے باعث دولہے کے ہمراہ موجود ایک بچہ بھی زخمی ہوگیا۔
پولیس نے ملزم کو گرفتار کر کے واقعے کی تحقیقات کا آغاز کردیا ہے۔
