تازہ ترین

دبئی میں شاپنگ کی شاندار پیشکش، ادائیگی کی فکر کیے بغیر شاپنگ کریں

ابو ظہبی: متحدہ عرب امارات کے شہر دبئی کے معروف تجارتی مراکز میں ’ابھی خریداری کریں ادائیگی بعد میں‘ کی سہولت متعارف کروائی ہے، صارفین دبئی مال سمیت دیگر مالز کے تمام شاپنگ سینٹرز سے خریداری کر سکیں گے۔

بین الاقوامی میڈیا کے مطابق الامارات دبئی نیشنل بینک اور عمار کمپنی نے دبئی کے معروف تجارتی مراکز میں صارفین کے لیے خصوصی سہولت ابھی خریداری کریں ادائیگی بعد میں متعارف کروائی ہے۔ اس کے تحت صارفین اپنی سہولت سے مطلوبہ سامان خرید سکیں گے۔

یہ سہولت 16 اگست 2022 سے 23 ستمبر تک جاری رہے گی، صارفین خریداری کی رقم 3 سے 6 ماہ کے دوران قسطوں میں ادا کر سکیں گے۔

نئی سہولت الامارات دبئی نیشنل بینک کارڈ ہولڈرز (U) سے حاصل کرسکیں گے, یہ کارڈ الامارات دبئی نیشنل بینک اور عمار کمپنی کے الولا پروگرام کی جانب سے مشترکہ طور پر جاری کیا گیا ہے۔

عمار کمپنی اور الامارات دبئی بینک کا کہنا ہے کہ صارفین دبئی مال، دبئی ہیلز مال، دبئی مرینا مال اور عمار ہاؤسنگ کمپلیکس کے تمام شاپنگ سینٹرز سے خریداری کر سکیں گے۔

کارڈ استعمال کر کے 500 درہم سے زیادہ کا سامان خریدنے کی سہولت ہوگی، اس پیشکش کے تحت ریستورانوں سے بھی کھانے پینے کی اشیا حاصل کی جاسکیں گی۔

تجارتی مراکز کے وہ صارفین جو 1 ہزار درہم یا اس سے زیادہ خرچ کریں گے انہیں یومیہ 4 ہزار درہم کا انعام جیتنے کا بھی موقع ملے گا۔

Comments

- Advertisement -