The news is by your side.

Advertisement

سعودی عرب آنے کیلئے کسی دوسرے ملک میں قیام کا دورانیہ کم ہوگیا؟

ریاض: سعودی محکمہ پاسپورٹ(جوازات) نے ممنوعہ ممالک سے مملکت آنے کے لیے کسی دوسرے ملک میں قیام کے دورانیہ کی وضاحت پیش کی ہے۔

عرب میڈیا کی رپورٹ کے مطابق جوازت کے ٹوئٹر ہینڈل پر ایک شہری نے دریافت کیا کہ سعودی عرب جانے کے لیے دبئی میں کتنے دن قیام کرنا پڑتا ہے؟ جس پر محکمہ پاسپورٹ نے جواب دیا۔

مملکت کے محکمہ پاسپورٹ نے بتایا کہ سفری پابندی کے شکار ممالک سے براہ راست وہی تارکین وطن مملکت آ سکتے ہیں جنہوں نے سعودی عرب میں رہتے ہوئے ویکسین کی دونوں خوراکیں لگوائی ہوئی ہوں جبکہ آن لائن پلیٹ فارم توکلنا پر ان کا اسٹیٹس ’امیون‘ ہونا بھی ضروری ہے۔

براہِ راست سعودی عرب کی پروازیں کب سے کھلیں گی؟ حکومت نے بتا دیا

جبکہ وہ افراد جنہوں نے مملکت میں ویکسین نہیں لگوائی اور ان کا تعلق ممنوعہ ممالک سے ہے وہ کسی ایسے ملک میں جہاں سے مسافروں کی آمد پر پابندی نہیں وہ ان ممالک میں 14 دن قیام کرنے کے بعد سعودی عرب آسکتے ہیں۔

خیال رہے کہ سعودی حکومت نے پاکستان، بھارت، بنگلادیش، مصر اور انڈونیشیا سے براہ راست مملکت کا سفر ممنوع قرار دے رکھا ہے، ایسے ممالک کے باشندوں کو کسی دوسرے ملک میں چودہ دن قیام کرنا پڑتا ہے۔

Comments

یہ بھی پڑھیں