لاہور: صوبہ پنجاب کے دارالحکومت لاہور کے قریب معروف اسٹیج اداکار اکرم اداس کی گاڑی پر نامعلوم ملزمان نے فائرنگ کی تاہم وہ حملے میں محفوظ رہے۔
تفصیلات کے مطابق لاہور کے قریب اسٹیج اداکار اکرم اداس کی گاڑی پرنامعلوم ملزمان نے فائرنگ کی تاہم وہ حملے میں محفوظ رہے، گاڑی پرگولیاں لگیں۔
معروف اسٹیج اداکار لاہور سے گوجرانوالہ جا رہے تھے کہ راستے میں موٹرسائیکل پرسوار نامعلوم ملزمان نے ان کی گاڑی پرفائرنگ کردی۔
اکرم اداس کا میڈیا سے گفگتوکرتے ہوئے کہنا تھا کہ چند نامعلوم افراد پیچھا کررہے تھے، میں گاڑی روک کر دوڑنے لگا تو حملہ آوروں نے فائرنگ کردی، تاہم میں محفوظ رہا۔
پولیس حکام کے مطابق ملزمان کی جانب سے گاڑی پرفائرنگ کی گئی، واقعے کی تفتیش شروع کردی گئی ہے۔
خیال رہے کہ 5 اگست کو فیصل آباد میں معروف اسٹیج اداکارہ ندا چوہدری کی گاڑی پرنامعلوم ملزمان نے فائرنگ کی تھی تاہم وہ حملے میں محفوظ رہی تھیں۔
اسٹیج اداکارہ ندا چوہدری کا کہنا تھا کہ میری کسی کے ساتھ کوئی دشمنی نہیں ہے۔
اداکارہ نور کو سابق شوہر نے گھر میں گھس کر قتل کردیا
یاد رہے کہ رواں سال 19 فروری کو ایبٹ آباد میں مقامی اسٹیج ڈانسر اور اداکارہ نور کو سابق شوہر شازی خان نے گھر میں گھس کر قتل کردیا تھا۔