The news is by your side.

Advertisement

"آٹے کی قیمت کپڑے بیچ کر کنٹرول کرنی ہے تو پھر اللہ ہی حافظ ہے”

پشاور : خیبر پختونخوا کے وزیر اطلاعات شوکت یوسفزئی نے کہا ہے کہ اگر آٹے کی قیمت کپڑے بیچ کرکنٹرول کرنی ہے تو پھر اللہ ہی حافظ ہے۔

پشاور میں میڈیا سے گفتگو کرتے ہوئے انہوں نے کہا کہ جب بھی ن لیگ کی حکومت آتی ہے سب سے پہلے کے پی کا آٹا بند کیا جاتا ہے۔

ایک سوال کے جواب میں ان کا کہنا تھا کہ عوام کو کیوں ٹرک کی بتی کے پیچھےلگایا گیا ہے؟ ملک کا سب سے بڑا مسئلہ کرپشن کا ہے۔

شوکت یوسفزئی نے کہا کہ پاکستان کا ایک وزیرخزانہ لندن اور دوسرا اسلام آباد میں بیٹھا ہے، عمران خان نے مشکلات کے باوجود ڈالر قابو میں رکھا۔

انہوں نے وزیر اعظم میاں شہباز شریف پر تنقید کرتے ہئوئے کہا کہ بڑے بوٹ پہن کر تصویریں بنانے سے نہیں بڑے فیصلوں سے حکومت چلتی ہے۔

شوکت یوسفزئی کا مزید کہنا تھا کہ موجودہ حکومت صرف مشاورت ہی کررہی ہے، ہم اپنے حق کے لیے 25 مئی کو نکل رہے ہیں۔

Comments

یہ بھی پڑھیں