اسلام آباد : نیشنل الیکٹرک پاور ریگولیٹری اتھارٹی ( نیپرا) نے بل اداکرنے والے صارفین کیلئے طویل لوڈشیڈنگ پر کے الیکٹرک کو شوکاز نوٹس جاری کردیا۔
تفصیلات کے مطابق بل ادا کرنے والے صارفین کیلئے بھی طویل لوڈشیڈنگ کے معاملے پر نیشنل الیکٹرک پاور ریگولیٹری اتھارٹی ( نیپرا) نے کے الیکٹرک کو شوکاز نوٹس جاری کردیا۔
جس میں کہا گیا ہے کہ کے الیکٹرک ٹرانسفارمر کی بجائے فیڈرلیول پر لوڈشیڈنگ کررہی ہے، کے ای نے ایک دن میں کئی گھنٹے فیڈرز لیول پرلوڈشیڈنگ کی اور ڈیفالٹرز کی وجہ سے بل ادا کرنے والے صارفین کو بھی سزادی گئی۔
شوکاز نوٹس میں کہنا تھا کہ نیپرا اس معاملے پر 2022 تا 2024 کے ای کو متعدد خطوط لکھے، کے ای بدستور ٹرانسفارمر لیول پر لوڈشیڈنگ نہیں کررہی، کے ای کے اقدامات کےباعث بل اداکرنیوالے صارفین لوڈشیڈنگ برداشت کررہے ہیں۔
مزید پڑھیں : نیپرا دستاویز نے کے الیکٹرک کی ناقص کارکردگی کا بھانڈا پھوڑ دیا
نیشنل الیکٹرک پاور ریگولیٹری اتھارٹی نے کہا کہ کے ای جان بوجھ کر تاخیری حربے استعمال کررہی ہے۔
کے ای کو فیڈر کی بجائے پی ٹرانسفارمرلیول پر لوڈشیڈنگ کی ہدایت کی گئی تھی جبکہ عدم عملدرآمد پر قانونی کارروائی کی وارننگ دی گئی تھی۔
نوٹس کے مطابق کے ای ایک سال میں ٹھوس پلان کی بجائے معمول کے جوابات دیتی رہی ہے، کے ای کو عدم مطابقت کی بنا پر شوکاز نوٹس جاری کیا جارہا ہے۔
