قومی ٹیم کے لیجنڈ فاسٹ بولر شعیب اختر کے ساتھ غلط رویے پر سرکاری ٹی وی کے میزبان نعمان نیاز کے خلاف اور شعیب اخترکی حمایت میں شوبز ستارے بھی سامنے آگئے۔
شوبز اداکار و گلوکاروں نے شعیب اختر کی حمایت میں سماجی رابطے کی ویب سائٹ ٹویٹر پر ٹویٹس کیں۔
سینئر اداکار ہمایوں سعید نے شعیب اختر کی حمایت میں بیان جاری کرتے ہوئے کہا کہ ڈاکٹر نعمان نیاز کو سابق اسپیڈ اسٹار سے معافی مانگنی چاہیے۔
Arguments happen during TV shows but no host tells their guest to leave. That was no way to address any guest, let alone one of the biggest international stars Pakistan has ever produced. What happened, happened; Dr Noman should have at the very least apologised to @shoaib100mph
— Humayun Saeed (@iamhumayunsaeed) October 27, 2021
ہمایوں سعید نے کہا کہ ٹی وی شوز کے دوران جھگڑے ہوتے ہیں لیکن کوئی میزبان اپنے مہمان کو جانے کو نہیں کہتا، یہ کسی بھی مہمان سے گفتگو کرنے کا کوئی طریقہ نہیں تھا۔
انہوں نے کہا کہ جو ہوا سو ہوا لیکن اب ڈاکٹر نعمان کو کم از کم شعیب اختر سے معافی مانگنی چاہیے۔
عدنان صدیقی نے لکھا کہ لائیو شو میں شعیب اختر کی جانب سے دکھائے جانے والے رویے نے مجھے متاثر کردیا ہے۔
اداکار نے لکھا کہ ’اس نے اپنے اوپر لگنے والی توہین کو بڑی پختگی اور صبر سے سنبھالا، کوئی اور ہوتا تو آن ایئر اپنے جذبات کھو بیٹھتا لیکن اس بندے نے اپنا وقار برقرار رکھا جو بلاشبہ اچھی پرورش کی نشانی ہے۔‘
Really applaud the grace shown by @shoaib100mph. He handled the insult heaped on him with so much maturity and patience. Anyone else would have probably lost his cool on air but this guy maintained his dignity. Signs of a good upbringing #sheerclass pic.twitter.com/BHQVO7boZW
— Adnan Siddiqui (@adnanactor) October 27, 2021
انہوں نے کہا کہ اگر نعمان نیاز کو شعیب اختر کی رائے سے اتفاق نہیں ہے تو انہیں کوئی حق نہیں پہنچتا کہ وہ مہمانوں کی تذلیل کریں۔
گلوکارہ مومنہ مستحسن نے لکھا کہ ’شعیب اختر نے پاکستان کے لیے بہت خدمات ہیں، شعیب اختر کی عزت پاکستانی اور عالمی مداح کرتے ہیں، وہ ایک قومی ہیرو ہیں۔
#ShoaibAkhtar’s service to Pakistan and contributions to international Cricket forever have the utmost UNDISPUTED #respect of every Pakistani and every global fan of cricket. @shoaib100mph is a National Hero.
— Momina Mustehsan (@MominaMustehsan) October 27, 2021
واضح رہے کہ شعیب اختر نے ٹرانسمیشن کے دوران نیوزی لینڈ کے خلاف مین آف دی میچ کا اعزاز حاصل کرنے والے حارث رؤف کی تعریف کی تھی جس پر میزبان بھڑک اٹھے اور شعیب کو شو سے جانے کا کہہ دیا۔
Generally speaking, in today’s world, the golden values of mutual respect, compassion, humility, empathy and the will to listen to each other’s point of view patiently are being replaced by hasty judgments, crude expression, nasty use of language and disrespect. V c it every day. https://t.co/5Ycb7yAAKK
— Ali Zafar (@AliZafarsays) October 27, 2021
اینکر نے شاہین آفریدی کا ذکر کیا تو شعیب نے انہیں ٹوکا، میزبان اینکر آن ایئر شعیب کو شو سے جانے کا کہا جس پر شعیب نے سرکاری ٹی وی شو سے علیحدہ ہونے کا اعلان کردیا۔
شعیب اختر کا کہنا تھا کہ لیجنڈز کے سامنے شو سے جانے کا کہنا توہین آمیز تھا۔
Multiple clips are circulating on social media so I thought I shud clarify. pic.twitter.com/ob8cnbvf90
— Shoaib Akhtar (@shoaib100mph) October 26, 2021
