بالی ووڈ کی معروف اداکارہ شردھا کپور نے مداحوں سے رائے مانگ لی۔
فوٹو اور ویڈیو شیئرنگ ایپ انسٹاگرام پر بالی ووڈ اداکارہ شردھا کپور نے اپنی تصویر شیئر کی جس میں انہیں خوشگوار موڈ میں دیکھا جاسکتا ہے۔
شردھا کپور نے تصویر شیئر کرتے ہوئے کیپشن میں مداحوں سے پوچھا کہ ’سی اے یا وکیل بن جاؤں کیا؟‘
انہوں نے چند گھنٹوں قبل پوسٹ شیئر کی جسے لاکھوں کی تعداد میں مداح دیکھ چکے ہیں اور تعریفی کمنٹس کرتے ہوئے انہیں مشورہ بھی دے رہے ہیں۔
ایک مداح نے لکھا کہ ’ڈاکٹر بن جائیں۔‘ دوسرے مداح نے کہا کہ ’سیاست دان بن جائیں۔‘ کئی صارفین کی جانب سے اداکارہ کی خوبصورتی کی تعریف کی گئی۔
شردھا کپور سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
گزشتہ دنوں بھی شردھا نے تصاویر شیئر کرتے ہوئے لکھا تھا کہ ’بتاؤ کیا دیکھ رہی ہوں۔‘
کام کے محاذ پر شردھا کپور نے آخری بار لو رنجن کی رومینٹک کامیڈی فلم ’تو جھوٹی میں مکار‘ میں رنبیر کپور کے ساتھ اداکاری کے جوہر دکھائے تھے۔
شردھا کپور کی آنے والی فلم راج کمار راؤ کے ساتھ ’استری ٹو‘ ہے۔
استری ٹو 31 اگست 2024 کو سینما گھروں کی زینت بنے گی، اس فلم کے ہدایت کار امر کوشک ہیں جبکہ اسے دنیش وجن نے پروڈیوس کیا ہے۔
یاد رہے کہ سال 2018 میں بالی ووڈ اداکارہ شردھا کپور اور ابھرتے ہوئے اداکار راجکمار راؤ کی فلم ’استری‘نے باکس آفس پر سو کروڑ کا بزنس کرکے سال کی نویں کامیاب ترین فلم کا اعزاز اپنے نام کیا تھا۔
