بالی وڈ کی شوخ اداکارہ شردھا کپور نے انکشاف کیا ہے کہ آج کے دور کے مشہور بالی وڈ ہیرو ان کی پہلی محبت تھے پر انھوں نے میرا دل توڑ دیا۔
بھارتی اداکارہ نے اپنے بچپن کے دوست اور نوجوان ہیرو ورون دھون کو زندگی کی پہلی محبت قرار دیا اور ساتھ ہی یہ بھی بتایا کہ ورون نے ان کا دل توڑ دیا تھا۔ شردھا کے مطابق ورون بچپن میں انھیں بہت پسند تھے اور وہ ان کے سامنے اپنے جذبات رکھنا چاہتی تھیں۔
فلم کی پروموشن کے لیے ورون اور شردھا نے ایک شو میں ساتھ شرکت کی، اداکارہ نے بتایا کہ آٹھ سال کی عمر میں ورون سے محبت ہوئی اور میں نے ان سے اظہار محبت کا سوچا۔
انھوں نے بتایا کہ میں ورون دھون کو پہاڑ پر لے گئی اور انھیں کہا کہ ایک جملہ میں الٹا کہوں گی تم غور سے سننا۔
عاشقی ٹو کی اداکارہ نے انکشاف کیا کہ ورون کو ان کے ’’یو لو آئی‘‘ کے الفاظ سمجھ ہی نہیں آئے۔ شاید یہ جملہ ایک چھوٹے بچے کے سمجھنے کیلئے بہت مشکل تھا۔
شردھا کپور نے شو کے دوران ہنستے ہوئے بتایا کہ ورون دھون مجھے نہ صرف صاف انکار کردیا بلکہ وہ وہاں سے بھاگ گئے۔
واضح رہے کہ فلم ’تو جھوٹی میں مکار‘ کی اداکارہ شردھا کپور بالی وڈ کے سینئر اداکار شکتی کپور کی بیٹی ہیں جبکہ ورون دھون ہدایت کار ڈیوڈ دھون کے بیٹے ہیں۔
شردھا اور ورون اسکول میں ساتھ پڑھتے تھے، دونوں اپنے انٹرویو میں ایک دوسرے کو بچپن کے دوست قرار دیتے ہیں۔ دنوں نے فلم ’اے بی سی ڈی 2‘ اور ’اسٹریٹ ڈانسر تھری‘ میں ساتھ کام کیا تھا۔
