بالی ووڈ کی معروف اداکارہ شردھا کپور نے فلم چھچھورے کے آنجہانی اداکار سشانت سنگھ کی یادگار ویڈیو شیئر کی ہے۔
بالی ووڈ کی فلم چھچھورے کی ریلیز کو 5 سال مکمل ہوگئے، اس موقع پر اداکارہ شردھا کپور نے اپنے آنجہانی ساتھی اداکار سشانت سنگھ راجپوت کو جذباتی خراج عقیدت پیش کیا۔
2019 میں ریلیز ہونے والی یہ فلم باکس آفس پر کامیاب ثابت ہوئی تھی جو کالج کے دوستوں کی زندگیوں کے گرد گھومتی ہے، اس فلم میں جوانی سے لے کر بڑھاپے تک کا سفر، دوستی اور محبت جیسے جذبوں کو بہترین انداز میں پیش کیا گیا تھا۔
View this post on Instagram
تاہم 2020 میں اداکار سشانت سنگھ راجپوت کی موت ہوگئی تھی، اداکارہ شردھا کپور نے اپنے انسٹاگرام پر ’’چھچھورے‘‘ کی شوٹنگ کے دوران کی ویڈیو پوسٹ کی جس میں مداحوں کو فلم کے سیٹ کے خوشگوار لمحات کی جھلک دکھائی گئی۔
ویڈیو میں شردھا کو سشانت اور دیگر ادکاراؤں کے ساتھ مذاق کرتے ہوئے دیکھا جاسکتا ہے، ساتھ ہی انہیں جشن مناتے ہوئے دکھایا گیا ہے۔
ویڈیو کے کیپشن میں شردھا نے فلم کی شوٹنگ کے دوران بنی ناقابل فراموش یادوں کی عکاسی کرتے ہوئے لکھا ’وہ دن بھی کیا دن تھے ‘۔
اداکار ورون شرمانے نے بھی اپنے انسٹاگرام پر ’’چھچھورے‘‘ کی کئی بی ٹی ایس تصاویر شیئر کیں جن میں وہ سشانت سنگھ اور فلم کے دیگر ستاروں کے ساتھ نظر آرہے ہیں۔
View this post on Instagram
ورون نے اپنے آن اسکرین دوست اور ساتھی اداکار کو خراج عقیدت پیش کرتے ہوئے لکھا کہ اس فلم کا جشن منانا ضروری ہے کیوں کہ یہ ایک خاص فلم ہے جو ہم سب کے قریب ہے۔
