بالی ووڈ کی معروف اداکارہ شردھا کپور کی ہالی ووڈ اداکار اینڈریو گارفیلڈ کے ہمراہ تصاویر سوشل میڈیا پر وائرل ہوگئی۔
بالی ووڈ اداکارہ شردھا کپور نے پیر کی رات جدہ میں جاری ریڈ سی فیسٹیول کے ریڈ کارپٹ پر پوز دیتی نظر آئیں جس کی تصاویر بھارتی سوشل میڈیا پر خوب وائرل ہے۔
وائرل ہونے والی تصاویر میں بالی ووڈ کی بلاک بسٹر فلم استری 2 کی اداکارہ کو ریڈ سی فیسٹیول میں ہالی ووڈ کے ’اسپائیڈرمین‘ اینڈریو گارفیلڈ کے ساتھ پوز دیتے ہوئے دیکھا جاسکتا ہے۔
View this post on Instagram
اداکارہ نے فلم فیسٹول پر اسٹریپ لیس گاؤن کا انتخاب کیا جس میں وہ بے حد خوبصورت لگ رہی تھیں، لیکن اداکارہ کے مداح اس وقت حیران ہوگئے جب انہیں دی امیزنگ اسپائیڈر مین اداکار اینڈریو گارفیلڈ کے ساتھ ریڈ کارپٹ پر پوز دیتے ہوئے دیکھا گیا۔
ریڈ سی انٹرنیشنل فلم فیسٹیول کے ریڈ کارپٹ کی ویڈیو میں شردھا اور اینڈریو گارفیلڈ کو ایک دوسرے سے مصافحہ کرتے ہوئے دیکھا جاسکتا ہے، شردھا ایک کثیر رنگ کے گاؤن میں چمک رہی تھی جبکہ اینڈریو ایک کلاسک براؤن سوٹ اور سفید شرٹ میں نظر آئے۔
View this post on Instagram
واضح رہے کہ شردھا کپور کے علاوہ اس سال ریڈ ایس ای فیسٹیول میں رنبیر کپور، کرینہ کپور، عامر خان نے بھی شرکت کی، فیسٹیول 14 دسمبر کو اپنے اختتام کو پہنچے گا۔
یاد رہے کہ اداکار اینڈریو گارفیلڈ نے ہالی ووڈ فلم امیزنگ اسپائڈر مین اور اس کے سیکوئل امیزنگ اسپائڈر مین 2 میں اسپائڈر مین کا کردار نبھایا تھا جس کے باعث دنیا اداکار کی دیوانی ہے۔
