لاہور: مسلم لیگ (ق) کے سربراہ چوہدری شجاعت حسین نے تمام سیاستدانوں کو مل کر پاکستان کے لیے کام کرنے کا مشورہ دے دیا۔
اے آر وائی نیوز کی رپورٹ کے مطابق چوہدری شجاعت حسین سے سابق وزیر داخلہ فیصل صالح حیات نے ملاقات کی۔
اس موقع پر چوہدری شجاعت حسین کا کہنا تھا کہ ہم سب کو مل کر پاکستان کی معیشت کو ٹھیک کرنا ہے۔
انہوں نے کہا کہ ملک کی معیشت کو اس وقت سنگین چیلنجز کا سامنا ہے، تمام سیاستدان ایک پیج پر آ کر پاکستان کے لیے کام کریں۔
